[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/03/unnamed-39.jpg” ]
“Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Gənclər arasında Azərbaycançılıq məfkurəsinin təbliği” adlı layihənin icrasına başlayıb. Layihə çərçivəsində ilk konfrans bu gün Şəmkir şəhərində baş tutub. Yüz nəfərdən çox gəncin iştirakı ilə baş tutan tədbir Azərbaycanın dövlət himninin səslənməsi ilə başlayıb. Şəmkir rayon Gənclər və İdman İdarəsinin əməkdaşı Vüsal Rzayev əsası Ulu öndər Heydər Əliyev tərəfindən qoyulmuş dövlət gənclər siyasətinin uğurla həyata keçirildiyini bildirib. Qeyd edib ki, çalışdığı qurum şəmkirli gənclərin potensialını üzə çıxarmaq üçün müxtəlif layihələr həyata keçirir. “Türkiyə Universitetləri Məzunları” İctimai Birliyinin (TUMİB) sədri Çingiz Bayramov ilk öncə milli idologiyamızın yaradıcılarından olan Azərbaycan dövlət himinin müəllifi, istiqlal şairi Əhməd Cavadın yurdunda gənclərini salamllamalıqdan məmnun olduğunu dilə gətirib. Natiq daha sonra layihə haqqında məlumat verib. Bildirib ki, layihənin məqsədi gənclər arasında Azərbaycançılıq məfkurəsini daha çox təbliğ etmək, ölkəmizdə vətənpərvər ruhlu, ziyalı gənclərin yetişməsinə təkan verməkdir: “Həmçinin Azərbaycançılıq ideologiyasının təbliği ilə bağlı konfranslar, şeir, mahnı, rəsm və respublikamızın gənc jurnalistləri arasında yazı müsabiqəsi keçirəcək”. TUMİB sədri bildirib ki, Ulu öndər Heydər Əliyev müstəqil Azərbaycanın memarı olmaqla yanaşı, həm də Azərbaycançılıq ideologiyasının banisidir. Hər bir Azərbaycan gənci Heydər Əliyev irsini dərindən öyrənməlidir. Layihənin eksperti, TUMİB-in İdarə Heyətinin üzvü Seymur Verdizadə gənclərin cəmiyyətin həyatındakı rolundan danışıb. Qeyd edib ki, gənclərin enerjisini doğru istiqamətə yönəltməklə daha çox uğur qazanmaq mümkündür. S.Verdizadə yeniyetmə və gəncləri yad ideologiyaların təsirinə düşməməyə çağırıb. “Gənc Vətənpərvərlər” İctimai Birliyi sədrinin müşaviri Rəna Məmmədova deyib ki, bu gün ölkəmizdə gənclər siyasəti mahiyyət və kefiyyətcə yeni mərhələni yaşamaqdadır: “Cənab Prezident İlham Əliyev ulu öndərin gənclər siyasətinə sadiqliyini öz qərarları ilə təsdiq edir. Gənclərimizin üzərinə düşən əsas vəzifə bu siyasəti dəstəkləmək, onun inkişafına töhfə verməkdir”. R.Məmmədova Azərbaycanın birinci xanımı Mehriban Əliyevanın fəaliyyətinə də toxunub. Qeyd edib ki, gənclərimiz, xüsusilə zərif cinsin nümayədələri Mehriban xanımın fəaliyyətindən ruhlanaraq, onlar üçün yaradılmış şəraitdən faydalanıb özlərini təsdiqləməlidirlər. Konfrans iştirakçılarından Əminə Quliyeva çıxış edərək, həmyaşıdları adından təşkilatçılara minnətdarlığını bildirib. O çıxışının sonunda sözləri Əhməd Cavada məxsus olan “Çırpınırdın Qara Dəniz” mahnısını ifa edib. Daha sonra digər çıxış edənlər mövzu ilə bağlı öz fikirlərini bölüşüblər. İştirakçıların sualları cavablandırılıb. Tədbirin sonunda iştirakçılara Gənclər Fondunun və TUMİB-in fəxri diplomları təqdim olunub.
[postgallery_grid content=”image” columns=”4″ lightbox=”yes” attached_id=”20843″ id=”20843″ imageeffect=”reflection” imgheight=”154″ imgwidth=”240″ width=”980″ /]
