[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/03/unnamed-19.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Yaradıcı Gənclərə Dəstək” İctimai Birliyinin “Vətənpərvər gəncliyin formalaşması” layihəsi çərçivəsində növbəti təlimini Ağdam rayonunun Zəngişalı ümumtəhsil orta məktəbində həyata keçirmişdir. Tədbirdə Ağdam rayon Gənclər və İdman idarəsinin rəisi Elnur Əhmədov, Zəngişalı kənd Bələdiyyəsinin sədri Nərgiz Bayramova, Zəngişalı kənd İnzibati Ərazi Dairəsi üzrə nümayəndə Vidadi Quliyev, məktəbin müəllimləri və 30 nəfərə yaxın gənc iştirak edib.
Tədbiri giriş sözü ilə Ağdam rayon Gənclər və İdman idarəsinin rəisi Elnur Əhmədov açarq təlimin mahiyəti barədə tədbir iştirakçılarına geniş məlumat verdi və qeyd etdi ki, cəbhə bölğələrində, düşmənlə təmas xəttində bü cür təlimlərin keçirilməsi gənclərimizdə ruh yüksəkliyi yaratmaqla, onların xalqını, vətənini sevən gənc kimi formalaşmasında mühüm rol oynayacaqdır. Zəngişalı kəndi düşmənlə təmas xəttində olan kəndlərimizdən biridir. Gənclərimiz daima atəş səsləri eşitsələr də bu onları heç də sarsıtmır. Onlar daima can atırlar ki, əzəli ata-baba torpaqlarımızı mənfur düşməndən azad etsinlər. Gənclərimiz bu gün həm fiziki, həm də mənəvi cəhətdən buna hazırdır.
Zəngişalı kənd Bələdiyyəsinin sədri Nərgiz Bayramova da cəbhə bölgələrində bu cür təlimlərin keçirilməsini alqışladı və qeyd etdi ki, Bu kənd təmas xəttində olan kəndir. Hər gün düşmən tərəfindən atəşkəs tez-tez pozulsa da Azərbaycanın mərd oğulları düşmənə layiqli cavab verir. Bu kəndin gəncləri həmişə öz qəhrəmanlıqları ilə seçilib.
1987-ci ildə Gürcüstan Respublikasında hərbi xidmətdə olanrkən Gürcüstanın Çaladidi kəndində böyük fədakarlıq və qəhrəmanlıq göstərərək, təbii fəlakət zamanı 28 sakini seldən xilas edərək qəhrəmanlıqla həlak olan və ölümündən sonra o, SSRİ Ali Soveti Rəyasət Heyətinin 22 iyul 1987-ci il tarixli Fərmanı ilə “Qırmızı Ulduz” ordeni ilə təltif edilən Rahib Məmmədov da bu kənddəndir. Hal-hazırda toplaşdığımız bu məktəb də Qarabağ müharibəsi zamanı qəhrəmanlıq göstərərək şəhid olmuş Samir Avdinovun adını daşıyır. Bu cür gəncliyi olan bir xalqın torpağı düşmən tapdağı altında qala bilməz. Gün o gün olacaq ki, Ali Baş Komandanın Əmri ilə Azərbaycan gəncləri düşmənə layiqli cavab verəcək. Qarabağımızı düşməndən azad edəcəklər.
Daha sonra təlimçi Tofiq Əzizov təlimdə gənclərə vətənpərvərlik anlayışı, müasir dövrdə qloballaşan dünyada milli-mənəvi dəyərlərin qorunub saxlanılması, Azərbaycanın dövlətçilik tarixi, millətimizin formalaşması prosesi, beynəlxalq münasibətlər sistemində ölkəmizin yeri və.s haqqında məlumatlar verilib. İştirakçılarla diskussiya şəraitində keçirilən təlimdə gənclər maraqlı təşəbbüslərlə çıxış ediblər. Tədbirin sonunda iştirakçılara, layihə çərçivəsində nəşr edilmiş kitab, üzərində Gənclər Fondunun və “Yaradıcı Gənclərə Dəstək” İctimai Birliyinin loqoları əks olunmuş köynəklər və sertifikatlar paylanılıb.
[postgallery_grid content=”image” columns=”4″ lightbox=”yes” attached_id=”20799″ id=”20799″ imageeffect=”reflection” imgheight=”154″ imgwidth=”240″ width=”980″ /]
