[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/12/foto6.jpg” ]

“Ayna” Gənclərin İnkişafına Dəstək İctimai Birliyi “Gənclər təşkilatları üçün PR- xidmətin yaradılması modeli – NLP tətbiq etməklə mükəmməl ünsiyyətin qurulması bacarıqları” adlı layihəsi başa çatıb.  Azərbaycan Respublikasının Prezidenti yanında Gənclər Fondunun maliyyə dəstəyi ilə reallaşan, ümumilikdə 500-dən çox gənci əhatələyən layihə çərçivəsində Gəncə, Şirvan, Bakı, Sumqayıt şəhərlərində 16 təlim keçirilib.
Təlimlərdə kütlə qarşısında həyəcanın aradan qaldırılması, çıxış zamanı jest, göz kontaktları, mimika və səs tempinə diqqət yetirilməsi, diqqətçəkici, maraqlı, təsiredici çıxış qurmaq, bədən dili, Neyro-linqvistik proqramlaşdırma haqda anlayış, NLP ilə mükəmməl ünsiyyətin qurulması, özünü təqdimetmə haqda peşəkar təlim standartlarına uyğun dərslər keçirilib. Bundan başqa imicin formalaşdırlması və hədəf qrupları ilə iş, liderlik, mətbuat konfransı və brifinqin keçirilməsi, press-relizin yazılmsı, kamera qarşısında mesaj verilməsi dərsləri gənclər tərəfindən böyük maraqla qarşılanıb.
Təlimçi Sənan Nəcəfov təlimlərin yüksək səviyyədə keçdiyini bildirib. Onun sözlərinə görə, regionlarda və paytaxt Bakıda fəaliyyət göstərən gənclər təşkilatlarının təmsilçiləri, aktiv gənclər qatılıblar və bu, təlimlərin rahatlıqla mənimsənilməsində öz sözünü deyib. “Təlim praktikasına əsaslanaraq biz təlimləri bir həftəlik fasilələrlə keçirdik və bu öz bəhrəsini verdi. Təlim iştirakçılarının Sosial şəbəkələrdə paylaşdığı statuslara, bizə ünvanladıqları elektron məktublara əsaslanaraq deyə bilərik ki, təlimlər gənclərin marağına səbəb olub. Diqqətçəkən məqam odur ki, təlimlərdə iştirak edə bilməyənlər belə təlimlərin yenidən keçirilməsi üçün müraciət edirlər”
Təlimçi onu da vurğulayıb ki, əlavə olaraq PR strategiya, SWOT analiz, fondrayzinq,  sponsor axtarışı, sorğu, monitorinq və araşdırma aparmaqla bağlı seminarlar təlimlərin effektliyini artırıb.
Xatırladaq ki, Qəbələ, Quba və Masallıda bir günlük master-klasslar keçirilib. Təlimin yekunu olaraq 20 təlimdə iştirak edən gənclərlə NLP haqda Azərbaycanda ilk dəfə web-nar (skype konfrans) təşkil olunacaq, NLP master Babək Bayramov dinləyicilərin suallarını cavablandıracaq.

[postgallery_grid content=”image” columns=”4″ lightbox=”yes” attached_id=”20274″ id=”20274″ imageeffect=”reflection” imgheight=”154″ imgwidth=”240″ width=”980″ /]