[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/12/unnamed-27.jpg” ]
“Gənc Hüquqşünas Qadınlar Hüquqi İslahatlar Uğrunda” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə cəzaçəkmə müəssisələrindən azad olunmuş gənclərin sosial adaptasiyasına və onların reabilitasiyasına yardım etmək məqsədilə “Cəzaçəkmə müəssisələrindən azad olunmuş gənclərin sosial adaptasiyası və onların reabilitasiyası işinin təşkili” layihəsini icra edir.
Layihənin həyata keçirilməsində əsas məqsəd cəzaçəkmə müəssisələrindən azadlığa çıxmağa hazırlaşan gənc məhkumlar arasında maarifləndirmə işinin aparılması, cəza çəkməkdən azad edilmiş gənclərə zəruri hüquqi, psixoloji və sosial xidmətlər göstərilməsi və onların sosial problemlərinin həll olunmasına yardım göstərməkdən ibarətdir.
Layihə çərçivəsində azadlığa çıxan gənclərin maarifləndirilməsi və onlara hüquqi, sosial və psixoloji xidmətlərin göstərilməsi istiqamətində geniş iş aparılır.
Təşkilat tərəfindən adıçəkilən Qanunun təbliği və cəza çəkməkdən azad edilən gənclərin maarifləndirilməsi məqsədi ilə “Cəza çəkməkdən azad edilən gənclərin sosial adaptasiyası və reabilitasiyası” adlı kitab və “Cəza çəkməkdən azad edilmiş gənclərin hüquqları!” adlı buklet nəşr edilib.
2014-cü ilin 09 dekabr tarixində Qəbələ şəhərində dövlət orqanlarının, Ombudsman Aparatının, hüquqşünasların, cəza çəkməkdən azad edilən gənclərin, gənclər təşkilatlarının, QHT-lərin və KİV-lərin nümayəndələrinin iştirakı ilə “Cəza çəkməkdən azad olunmuş gənclərin cəmiyyətə inteqrasiyası” adlı qeyd edilən Qanunun təbliği, onun tətbiqi vəziyyəti və cəzaçəkmə müəssisələrindən azad olunmuş gənclərin yenidən cəmiyyətdə adaptasiya olunmaları üçün şəraitin yaradılmasına yardım etmək məqsədi ilə dəyirmi masa təşkil edilib.
Ümid edirik ki, bütün bu göstərilən fəaliyyətlər cəmiyyətin keçmiş gənc məhkuma mənfi münasibətinin dəyişilməsi istiqamətində öz töhfəsini verəcəkdir.
[postgallery_grid content=”image” columns=”4″ lightbox=”yes” attached_id=”20230″ id=”20230″ imageeffect=”reflection” imgheight=”154″ imgwidth=”240″ width=”980″ /]
