[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/11/unnamed-98.jpg” ]
Yeni Azərbaycan Partiyası Gənclər Birliyinin ofisində “Gənc Biznesmen” layihəsinin bağlanış mərasimi keçirilib. Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən layihə 4 aydır davam edir. Tədbiri giriş sözü ilə açan YAP GB-nin Təşkilatı işlər üzrə koordinatoru Elmar Məmmədov “Gənc Biznesmen” layihəsini Ölkə Başçısının gənclərə göstərdiyi dəstəyin bariz nümunəsi kimi qiymətləndirib: “Gənclər tərəfindən reallaşan belə layihələr Azərbaycan Respublikasının Prezidentinin gənclərə verdiyi dəyərin göstəricisidir. Biz gənclər də bu dəstəkdən istifadə edib ölkəmiz, dövlətimiz, xalqımız üçün yararlı və yüksək mahiyyəti olan işlər görməliyik. Artıq yekununu keçirdiyimiz layihə də məhz belə işlərdən biridir. Bu münasibətlə layihə rəhbərini və iştirakçıları təbrik edirəm”. Çıxış edən layihə rəhbəri Orxan Fəxrəddinov layihənin məqsədi və layihə çərçivəsində görülən işlər haqqında danışıb: “Biz bu layihəni böyük ümidlərlə hazırlamışdıq və məqsədimizə də çatdıq. Layihəmizi təqdim edib Azərbaycan Respublikasının Prezidenti yanında Gənclər Fondundan qrant qazandıq. Biz gənclərə dəstək olduğuna cənab Prezident İlham Əliyevə təşəkkürümüzü bildiririk. “Gənc Biznesmen” layihəsi biznes sahəsi ilə maraqlanan, gələcəkdə bu sahədə böyük uğurlara imza atmağa çalışan gənclərin bilik və bacarıqlarını inkişaf etdirmək məqsədi daşıyırdı. Layihə çərçivəsində Biznes-plan, Biznes layihəsinin yazılması, Marketinq, Biznesdə maliyyə risklərinin idarə edilməsi, Biznesdə liderlik xüsusiyyətləri təlimləri keçirildi, ekskursiyalar təşkil olundu, iştirakçılar təlimlərdə öyrəndiklərini praktiki olaraq tətbiq etmək şansı qazandılar”. Sonda layihədə iştirak edən gənclər sertifikat və hədiyyələrlə mükafatlandırılıb.
[postgallery_grid content=”image” columns=”4″ lightbox=”yes” attached_id=”20082″ id=”20082″ imageeffect=”reflection” imgheight=”154″ imgwidth=”240″ width=”980″ /]
