[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/10/unnamed-534.jpg” ]
28 oktyabr 2014-cü il tarixində Azərbaycan Respublikasının Prezidenti yanında Gənclər Fondunun maliyyə dəstəyi ilə keçirilən “DE-FAKTO İNTELLEKT” layihəsində qrup mərhələsinin son oyunları keçirildi. Son qrup oyunlarında əvvəlcə Şamaxı rayonunun Mədrəsə qəsəbəsi, Meysəri, Məlcəy və Xınıslı kənd tam orta məktəblərinin komandaları qrup birinciliyi uğrunda mübarizə apardılar. Sonrakı qrup oyununda isə Mirikənd, Muğanlı, Qaravəlli və Şərədil kənd tam orta məktəblərinin komandaları qrup birinciliyi uğrunda mübarizə apardılar. Son qrup oyunlarının nəticələrinə görə Muğanlı kənd tam orta məktəbinin “MUĞAN”, Mədrəsə qəsəbə tam orta məktəbinin “ZİYA” komandası qrup birinciliyini qazanaraq play-off mərhələsində oynamaq şansı əldə etdilər. Qrup mərhələsi oyunlarında iştirak etmiş digər komandaların şagirdlərinə isə sertifikatlar təqdim olundu.
Beləliklə, Azərbaycan Respublikasının Prezidenti yanında Gənclər Fondunun maliyyə dəstəyi, Şamaxı Rayon Təhsil Şöbəsi, YAP Şamaxı rayon təşkilatı və Şamaxı rayon Gənclər və idman İdarəsi təşkilati dəstəyi ilə həyata keçirilən “DE-FAKTO İNTELLEKT” layihəsinin qrup mərhələsi başa çatdı. 32 məktəb arasında təşkil olunan qrup mərhələsinin yekunlarına görə aşağıdakı komandalar qrup birinciliyini qazanaraq play-off mərhələsində oynamaq hüququ əldə etdilər: “Zirvə” (Əngəxaran kəndi), “Sabir” (Sabir qəsəbəsi), “Uğur” (Göylər kəndi), “Zəfər” (Cabanı kəndi), “Muğan” (Muğanlı kəndi), “Ziya” (Mədrəsə qəsəbəsi), “Buta” (Şamaxı şəhər 10 saylı orta məktəb) və “Avropa” (Şamaxı Avropa Liseyi).
4 noyabr 2014-cü il tarixində təşkil olunacaq play-off mərhələsinin ilk oyununda Avropa, Uğur, Muğan və Zəfər komandaları final mərhələsinə keçmək uğrunda mübarizə aparacaqlar.
[postgallery_grid content=”image” columns=”4″ lightbox=”yes” attached_id=”19576″ id=”19576″ imageeffect=”reflection” imgheight=”154″ imgwidth=”240″ width=”980″ /]
