[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/10/unnamed-249.jpg” ]
Yaradıcı Gənclər İctimai Birliyi “Məişət zorakılığına qarşı gənclər şəbəkəsi” adlı layihənin icrasını həyata keçirir. Layihə Şəki-Zaqatala regionuna daxil olan 6 rayonu əhatə edir. Məqsəd region gənclərinin məişət zorakılığı hallarına qarşı mübarizə aparmaq imkanlarını artırmaqdır.
Layihənin fəaliyyət planına uyğun olaraq Oğuz rayonunda təlim təşkil edilib. Trenerlər gənclərə məişət zorakılığı nədir və onun törətdiyi fəsadlar hansılardır, onunla necə mübarizə aparmaq olar kimi müxtəlif suallara ətraflı məlumatlar veriblər. “Məişət zorakılığının qarşısının alınması haqqında Azərbaycan Respublikasının qanunun”dan irəli gələn məsələlər gənclərin diqqətinə çatdırılıb.
Təlimin gedişində iştirakçılar qruplara bölünərək məişət zorakılığı hallarına qarşı mübarizə üsulları barədə fikir mübadiləsi aparıb və digər iştirakçılar qarşısında təqdimatlar ediblər. Məişət zorakılığına dair nümayiş etdirilən sənədli filmlər prosesin daha asan qavranılmasına müsbət təsir göstərib.
Layihə Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçiriləcəkdir.
[postgallery_grid content=”image” columns=”4″ lightbox=”yes” attached_id=”19402″ id=”19402″ imageeffect=”reflection” imgheight=”154″ imgwidth=”240″ width=”980″ /]
