[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/10/unnamed-412.jpg” ]
08 oktyabr 2014-cü il tarixdə “Abşeron” Rəsm Qalareyasında Azərbaycan Respublikasının Prezidenti yanında Gənclər Fondunun maliyyə dəstəyilə “Gənclərin Töhfəsi” ictimai Birliyi tərəfindən “Azərbaycan təsviri sənəti – gəncliyə örnək” adlı layihəsi çərçivəsində çap edilən eyni adlı “Azərbaycan təsviri sənəti – gəncliyə örnək” adlı kitabın təqdimat mərasimi keçirilib. Tədbirdə Azərbaycan Rəssamlar İttifaqının katibi, xalq rəssamı, əməkdar incəsənət xadimi Ağəli İbrahimov, Azərbaycan Dövlət və İctimai xadimi Cahangir Müslümzadə, Azərbaycan Əsilzadələr Məclisinin sədr müavini Tamerlan Rəsulbəyov, “Gənclərin Töhfəsi” İctimai Birliyinin sədri Asim Vəliyev, “Abşeron” Qalareayasının direktoru Eldəniz İbrahimov və bir çox gənclər iştirtak edib. Tədbiri giriş sözü ilə açan birliyin sədri Asim Vəliyev bildirib ki, layihənin keçirilməsində əsas məqsəd tanınmış rəssamlarımızın yaradıcılığını və Azərbaycan milli təsviri sənət irsini gənc nəsilə aşılamaqdan ibarətdir. Kitabda qədim dövrlərdən tutmuş müasir dövrə qədər Azərbaycan təsviri incəsənətinin inkişaf yolları mərhələ-mərhələ tədqiq edilir. Kitab ön sözdən, baş məqalədən, 40 məşhur rəssam haqqında ayrıca məqalələrdən və 40 rəssamın yaradıcı bioqrafiyası haqqında ayrıca bölmədən ibarətdir.
[postgallery_grid content=”image” columns=”4″ lightbox=”yes” attached_id=”19012″ id=”19012″ imageeffect=”reflection” imgheight=”154″ imgwidth=”240″ width=”980″ /]
