[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/unnamed-819.jpg” ]
25 sentyabr 2014 – cü il tarixində Mini Cinema Klubda Azərbaycan Respublikasının Prezidenti yanında Gənclər Fondunun maliyyə dəstəyi ilə “Unudulmaz Tarixim” adlı layihə çərçivəsində hazırlanan “Xarı Bülbül” çiçəyindən bəhs edən qısa metrajlı filmin təqdimat mərasimi keçirilib.
Təqdimat mərasimində Azərbaycan Respublikasının Prezidenti yanında Gənclər Fondunun nümayyəndələri, əməkdar artist Lətifə Cahandarqızı, filmin ərsiyə gəlməsində iştirak edən yaradıcı gənclər, gənclər təşkilatının nümayyəndələri və Azərbaycan Dövlət Mədəniyyət və İncəsənət Universiteti tələbələri iştirak ediblər.
İlk olaraq “Unudulmaz Tarixim” adlı layihəsinin rəhbəri Orxan Muxtarlı qonaqları salamlayaraq onları layihə haqqında məlumatlandırmışdır. Onun qeyd etdiyinə görə, layihənin keçirilməsində əsas məqsəd yeniyetmə və gənclərin milli vətənpərvərlik və vətənə sədaqət ruhunda tərbiyə olunması istiqamətində həyata keçirilən gənclər siyasətinə dəstək olmaqdan ibarətdir. Layihə çərçivəsində çəkilən və hazırlanan qısa metrajlı film Şuşa və Qarabağın simvollarının, adət – ənənələrimizin hələ də yaddaşlardan silinməməsi və film şəklində yaddaşda saxlanılmasına xidmət göstərir.
Sonra “Xarı Bülbül” çiçəyi haqqında olan qısa metrajlı film iştirakçılara təqdim olundu. Film dünyada yalnız Azərbaycanda bitən, adı Qarabağın adıyla birgə çəkilən Şuşanın milli simvolu “Xarı Bülbül” çiçəyi barəsində olmuşdur.
Film izləyicilər tərəfindən böyük alqışla qarşılandı. Sonda təqdimatda iştirak edən qonaqlar filmlə bağlı öz fikirlərini bölüşüblər.
Qeyd edək ki, bu filmin çəkilişlərində rejisor-Pervin Qorçuyev, operator-Novruz Məmmədoğlu, montajçı-Paşa Nesibov, qumrəssamı – Lalə Hüseynzadə, Rollarda-əməkdar artist Lətifə Cahandarqızı, Vahid Orucoğlu iştirak ediblər.
[postgallery_grid content=”image” columns=”4″ lightbox=”yes” attached_id=”18656″ id=”18656″ imageeffect=”reflection” imgheight=”154″ imgwidth=”240″ width=”980″ /]
