[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/unnamed74.jpg” ]
“Bizim Gənclik” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə 24 sentyabr 2014-cü il tarixində “Gəncliyimiz təbiəti qorumaq üçün birləşir!” layihəsinin yekun tədbirini Bakı şəhəri “MONT İNN” Otelində keçirilib.
Layihənin əsas məqsədi vətənimizin təbii gözəlliyini, zəngin növ müxtəlifliyini Azərbaycanın hər bir vətəndaşına nümayiş etdirmək, onu necə qorumalı olduğumuzu gənclərin dilindən insanlara çatdırmaq, müxtəlif mənbələrin araşdırılması yolu ilə işğal altındakı torpaqlarımızın hazırkı ekoloji şəraitinin öyrənilməsi idi.
Layihə müddətində hər bir gənc Azərbaycanın bir regionunun ekoloji vəziyyətini araşdırıb. Gənclər tərəfindən hazırlanan araşdırmalar ümumiləşdirilib və bu sahənin mütəxəssislərinin məlumatlarla tanışlığından, müvafiq rəylərindən sonra məlumatalar ssenariləşdirilərək video-çarx hazırlanıb.
Tədbirdə iştirak edən QHT, media nümayəndələri o, cümlədən gənclərə “Gəncliyimiz təbiəti qorumaq üçün birləşir!” adı altında hazırlanan video-çarx nümayiş etdirildikdən sonra layihədə iştirak edən gənclərin fikirləri dinlənilib.
Sonda fəal gənclər sertifikatla təltif olundular.
[postgallery_grid content=”image” columns=”4″ lightbox=”yes” attached_id=”18590″ id=”18590″ imageeffect=”reflection” imgheight=”154″ imgwidth=”240″ width=”980″ /]
