[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/unnamed-175.jpg” ]
“Qadın və Gənc Ailələrin Sosial İnkişafı” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “İdeal ailə modelinin gənclər arasında təbliği” layihəsınə başlayıb. Layihənin əsas məqsədi ailə dəyərlərini təbliğ etmək, gənclərin diqqət və səylərini ailənin cəmiyyətdə nüfuzunun qaldırılmasına yönəltməkdir.
Təşkilatın sədri Tünzalə Cavadovanın verdiyi məlumata əsasən, “İdeal ailə modelinin gənclər arasında təbliği” layihəsinin Xaçmaz və Quba rayonlarında keçirilməsi nəzərdə tutulub.
Layihədə benefisiar kimi rayonda yerləşən peşə litseyləri, məktəblər və digər ictimai təşkilatların üzvləri olan gənclər, ictimai-siyasi həyatda aktivlik göstərən gənclər və layihəyə marağı olan gənclər iştirak edəcək. Dolayısı yolla isə region əhalisi layihədən faydalanacaqdır.
Təlimlərdə Quba və Xaçmaz rayonu və ətraf kəndlərindən 50 nəfər gənc iştirak edəcək.
Layihənin effektivliyini artırmaq üçün layihəyə Xaçmaz və Quba rayon Gənclər və İdman İdarəsindən, Xaçmaz Rayon İcra Hakimiyyətindən, yerlı QHT-dən ekspertlər dəvət olunacaqdır.
Təlimlərdə zamanı interaktiv metodlardan istifadə olunacaqdır, gənclər arasında “Ailədaxili münasibətlərdə milli-mənəvi dəyərlər” mövzusunda ictimai dinləmələr təşkil ediləcək və şəhərin müxtəlif yerlərində məlumatlandırma bukletləri paylanılacaqdır.
[postgallery_grid content=”image” columns=”4″ lightbox=”yes” attached_id=”18518″ id=”18518″ imageeffect=”reflection” imgheight=”154″ imgwidth=”240″ width=”980″ /]
