[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed50.jpg ” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənclər və kitab: “Gənc Kitabsevərlər Klubu” üzvlərinin region gəncləri ilə görüşlərinin təşkili” layihəsi çərçivəsində icra planına uyğun olaraq fəaliyyətini davam etdirir. Bu məqsədlə də, 2014-cü il avqust ayının 20 və 21-də “Gənc Kitabsevərlər Klubu” üzvləri Qəbələ rayonunda yaşayan və təhsil alan gənclərlə görüşlərin keçirilməsi üçün Qəbələ rayonuna səfər ediblər. Qəbələ rayonunda təşkil olunmuş görüşlərə 14 nəfər “Gənc Kitabsevərlər Klubu” üzvləri və 4 nəfər ekspertlər (şair və yazıçılar) dəvət olunub. Görüşdə 20 nəfər Şəkidən gedən qonaqlarla 20 nəfər Qəbələ rayon kitabsevərləri və gəncləri iştirak ediblər. Tədbiri ilk olaraq açan M. Nağıyev iştirakçıları salamlayıb, layihə rəhbəri, ekspertlər və “Gənc Kitabsevərlər Klubu” üzvləri adından layihənin və bu layihə çərçivəsində nəzərdə tutulan tədbir görüşlərin həyata keçirilməsində maliyyə dəstəyi göstərən Azərbaycan Respublikasının Prezidenti yanında Gənclər Fonduna, şəxsən Cənab Fərhad Hacıyevə, mənəvi dəstək üçün Prezident Adminstrasiyasına, Qəbələ rayon İcra Hakimiyyətinə, şəxsən Cənab Səbuhi Abdullayevə, təşkilatçılığa görə Qəbələ rayon Mədəniyyət və Turizm İdarəsinə, Qəbələ Gənclər və İdman İdarəsinə, eləcə də Qəbələ Biznes-Təlim Mərkəzinə, şəxsən Q. Nəbiyevə öz təşəkkürünü bildirib. M. Nağıyev Azərbaycan Respublikası Prezidenti Cənab İlham Əliyevin gənclərə göstərdiyi atalıq qayğısından, Dövlətimizin bu günkü Azərbaycan Gəncliyi üçün yaratdığı imkan və şəraitdən geniş söhbət açıb. O, layihənin məqsədi və görülmüş işlər haqqında geniş məlumat verib. Sonra sözü layihə rəhbəri A. Nağıyevaya verib. Layihə rəhbəri qeyd edib ki, bu gün biz kitab adlı “NUR İŞIĞI”-na toplaşmışıq və bu bu nur biz gəncləri qaranlıqdan işığa aparan bir yol və uğurlu gələcəkdir. A. Nağıyeva, öz çıxışında layihə çərçivəsində nəzərdə tutulan tədbir-görüşlərdən və gələcəkdə həyata keçiriləcəyi planlaşdırılan işlərdən geniş məlumat verib. Əvvəlki tədbir və görüşlərdə əldə olunmuş nəticələrə toxunan layihə rəhbəri qeyd edib ki, sosial şəbəkələrdə yaradılmış Gənc Kitabsevərlər Klubunun artıq 298 üzvü vardır ki, onların da 60%-den çoxu Respublikamızın müxtəlif rayon və şəhərlərində yaşayan və təhsil alan gənclərdir. Artıq bizim ətrafımızda savadlı, bacarıqlı və gələcəyə inanan gənclər vardır. İnanırıq ki, gələcəkdə kitabsevər gənclərimizin sayı bir neçə dəfə artacaqdır.
[postgallery_grid content=”image” columns=”4″ lightbox=”yes” attached_id=”17503″ id=”17503″ imageeffect=”reflection” imgheight=”154″ imgwidth=”240″ width=”980″ /]
