[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed49.jpg ” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə fərdi layihə qalibi Quliyev Talıb Adil oğlunun Lənkəran və Astara şəhərlərində həyata keçirdiyi “Ailə münasibətlərinin hüquqi tənzimlənməsində nikah müqaviləsinin rolu” layihəsi uğurla başa çatıb. Layihənin məqsədi gəncləri ailə münasibətlərinin hüquqi tənzimlənməsi ilə bağlı mövcud olan qanunvericilik haqqında ətraflı maarifləndirilməsi və nikah müqaviləsinin rolunun qiymətləndirilməsidir. Qeyd olunub ki, Ailə hüququ milli hüququn bir sahəsi olub, Azərbaycan Respublikası Konstitusiyasında nəzərdə tutulan əsas insan və vətəndaş hüquqlarına və azadlıqlarına uyğun olaraq ailə münasibətlərinin yaranmasının və möhkəmlənməsinin, onlara xitam verilməsinin prinsiplərini, ailə münasibətlərinin iştirakçılarının hüquq və vəzifələrini, dövlət orqanlarının bu sahədə vəzifələrini, habelə vətəndaşlıq vəziyyəti aktlarının qeydə alınması qaydalarını tənzimləyən normaları müəyyən edir.
Təlim zamanı gənclərə layihə ilə bağlı maarifləndirici bukletlər paylanılıb. Layihədə əsasən 14-29 yaş arası olan gənclər iştirak edib. Əsas diqqət gənclərə bu sahədə düzgün informasıyanın verilməsinə nail olmaq və dolğun informasiya bazası yaratmaqdır.Keçirilən təlimlərdə 40 nəfərdən çox gənc iştirak edib.
