[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed-514.jpg ” ] 20 avqust 2014-cü il tarixində saat 19:00-da Azərbaycan Respublikasının Prezidenti yanında  Gənclər  Fondunun  maliyyə  dəstəyi  ilə  İçərişəhər, Kiçik Qala küçəsində yerləşən  açıq səma altındakı sərgi mərkəzində (rəssam Əli Şəmsinin emalatxanası ilə üzbəüz) “Yaşayan tarix” adlı Heykəltəraşlıq üzrə festival-sərgi keçiriləcəkdir. Sərgidə Azərbaycan və Dünya tarixi şəxsiyyətlərinin büstləri sərgilənəcəkdir. Qəbul edilən ərizə və keçirilmiş müsahibə nəticəsində seçilən 20 gənc heykəltəraşın  bir ay ərzində hazırladıqları tarixi şəxsiyyətlərin  büstlər nümayiş ediləcəklər. Layihənin məqsədi Azərbaycan İncəsənətinin və heykəltəraşlıq sənətinin  inkişafına təkan vermək , gənc istedadlı heykəltəraşların tapılıb üzə çıxarılması və onların tanıtımına təkan verərək digər tanınmış rəssam və yaradıcı insanlarla, o cümlədən professional heykəltəraş  və  rəssamlarla  əlaqələririnin yaradılması və möhkəmlənməsi, tanınmış şəxsiyyətlərin büst və heykəllərinin  gələcəkdə şəhərin ayrı- ayrı yerlərində yerləşdirilməsinə kömək etməkdir.