[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed16.jpg ” ]

Azərbaycan Respublikasının Prezidenti yanında Gənclər Fondunun maliyyə dəstəyi ilə avqust ayının 1-dən etibarən “Mənim yaşıl şirkətim!” layihəsinin icrasına start verilib. Bugünkü gəncliyimizi maarifləndirməyə hədəflənmiş “Mənim yaşıl şirkətim!” layihəsinin əsas məqsədi Azərbaycanda ekologiyaya diqqət edən şirkətlərin artmasına dəstək olmaqdır. Layihə zamanı  iqtisadiyyat və ekologiya sahəsi üzrə təhsil alan tələbələrin “yaşıl şirkət” modeli haqqında məlumatlandırması, bu modelin tətbiq olunma  üsullarını özündə əks etdirən təlimlərin keçirilməsi nəzərdə tutulub. “Mənim yaşıl şirkətim!” layihəsi iki gün müddətində təlim formatında Bakı şəhərində keçiriləcəkdir. Layihədə iştirak etmək istəyən gənclər öz cv-lərini [email protected] ünvanına göndərə bilərlər. Qeyd edək ki, seçim zamanı iqtisadiyyat və ekologiya üzrə təhsil alan, eyni zamanda gələcəkdə şirkət qurmaq istəyən gənclərə üstünlük veriləcəkdir. Sonda iştirakçılar şəhadətnamə ilə təltif olunacaqlar.