[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/kar.jpg ” ]

15 avqust 2014-cü il tarixində saat 18:00-da Müasir İncəsənət Mərkəzinin sərgi salonunda “Karikatura müsabiqəsi” layihəsinin yekun sərgisi keçiriləcək. Layihə Azərbaycan Respublikasının Prezidenti yanında Gənclər Fondunun elan etidyi 5-ci qrant müsabiqəsində qalib olub. Layihənin məqsədi Azərbaycan İncəsənətinin karikatura və rəsm sənətinin  inkişafına təkan vermək , gənc istedadlı rəssamların  tapılıb üzə çıxarılması və onların tanıtımına təkan verərək digər tanınmış rəssam və yaradıcı insanlarla əlaqələririnin yaradılması və möhkəmlənməsini təmin etməkdir. Bildiyimiz kimi, karikatura müasir dövrün ən  çox yayılmış sənət növlərindən biridir və biz də, ölkəmizdə bu sahədə olan istedadların üzə çıxarılmasını əsas məqsəd kimi qarşımıza qoymuşuq. Qeyd edək ki, layihənin ilkin mərhələsində gənc karikaturaçı-rəssamlar açıq havada canlı olaraq karikaturalar çəkiblər. Layihənin ikinci hissəsi kimi həmin rəssamların kolleksiyalarından ibarət sərgi təşkil olunur. Hər bir rəssam maksimum üç işlə qatılıb, ümumi iştirakçıların sayı 30-a yaxındır. Sərgi üç gün açıq olacaq. Layihənin rəhbəri Roza Əliyevadır