[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed-38.jpg” ]
Azərbaycan Respublikasının Prezidenti yanında Gənclər Fondunun maliyyə, şəhər Gənclər və İdman Baş İdarəsin təşkilati dəstəyi ilə 3 avqust 2014-cü il tarixində Sumqayıt şəhərində “Fraktal Sərgisi” adlı layihə çərçivəsində, yeniyetmə və gənclərin əl işlərindən ibarət müxtəlif riyazi formulları və şifrələri, ardıcıl məntiqi əlaqəni özlərində əks etdirən rəsm (çizgi) və fiqurların sərgisi keçirilib. Layihənin icraçısı Səxavət Eminov sərgini açıq elan edərək layihənin məqsədinin yeniyetmə və gənclərimizin düşünmə qabiliyyətinin, logikanın, diqqətin, yaddaşın, təxəyyülün inkişaf etdirilməsi, asudə vaxtın səmərəli təşkili, özünü idarəetmə və yaradıcılıq qabiliyyətinin inkişaf etdirilməsi olduğunu vurğulayıb. O bildirib ki, xüsusi istedada, bilik və bacarığa malik yeniyetmə və gənclərimiz daima dövlətimizin xüsusi diqqət və qayğısı ilə əhatə olunub və buda onlara gələcək fəaliyyətlərini daha da səmərəli qurmağa imkan yaradır. Daha sonra beyin təfəkkürünün, motorikanın, məntiqin inkişafına zəmin yaradacaq, özlərində gizli riyazi sirrləri və məntiqi əlaqəni birləşdirən fraktal rəsmlər və fiqurlar sərgidə nümayiş olunub, buda gənclərimiz tərəfindən böyük maraqla qarşılanıb. Rəsmlər ətrafında aparılan müzakirələr isə sərgini daha da maraqlı edib, yeniyetmə və gənclər arasında məhsuldar məntiqi fəaliyyətin önəmli olması sərgidə bir daha öz təsdiqini tapıb. Sərgidə çıxış edən şəhər Gənclər və İdman Baş İdarəsinin əməkdaşları, şəhərin aparıcı mediya qurumlarının nümayəndələri, QAC-nin şəhər bölməsinin fəalları, tələbə gənclər təşkilatlarının rəhbərləri və ictimai-fəal gənclər belə tədbirlərin keçirilməsinin yeniyetmə və gənclərin bilik və bacarıqlarının artırılmasına, asudə vaxtın səmərəli təşkilinə, gənclərimizdə düşüncə məntiqinin, diqqətin və yaddaşın inkişaf etdirilməsində mühüm rol oynadığını vurğulayıblar.
[postgallery_grid content=”image” columns=”4″ lightbox=”yes” attached_id=”16886″ id=”16886″ imageeffect=”reflection” imgheight=”154″ imgwidth=”240″ width=”980″ /]
