[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed-32.jpg ” ] “Sağlam Yaşa” Gənclərin Maarifləndirilməsi İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə 25 iyul 2014-cü il tarixində Astara şəhərində “Zərərli vərdişlərin fəsadları barədə gənclər arasında bilik və məlumatların artırılması” mövzusunda tədbir keçirib. Tədbiri giriş sözü ilə birliyin sədri Həbibə Qəribova açaraq tədbir iştirakcılarını salamlayıb, narkomaniya, siqaret, alkaqol və s. zərərli vərdişlərin fəsadları barədə geniş məlumat verib. Sonra Astara Rayon Gənclər və İdman İdarəsinin rəis müavini İlqar Cəfərov çıxış edərək mövzü ətrafında çıxış edib və gənclərə öz tövsiyələrini verib. Rayon səhiyyə idarəsinin nümayəndəsi həkim-terapevt İmamverdiyeva İradə problemin aktuallığından və onun fəsadları barədə geniş məruzə edib. Tədbirin sonunda Astara Rayon İcra Hakimiyyətinin nümayəndəsi Emin Fətəliyev cıxış edərək bu cür tədbirlərin maarifləndirici əhəmiyyətindən danışıb və ictimai birliyinin nümayəndələrinə bu kimi tədbirlərin davamlı xarakter daşımasını arzulayıb. Tədbirin sonunda iştirakçılara maarifləndirici bukletlər və zərərli vərdişlərin mövzusu əks olunmuş köynəklər paylanılıb. Son olaraq birliyin nümayəndələri şəhər parklarında gənclər və ictimaiyyət nümayəndələri ilə maarifləndirici söhbətlər edib və bukletlər paylayıb.
[postgallery_grid content=”image” columns=”4″ lightbox=”yes” attached_id=”16726″ id=”16726″ imageeffect=”reflection” imgheight=”154″ imgwidth=”240″ width=”980″ /]
