[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/07/unnamed-315.jpg ” ] Gəncə şəhərində Azərbaycan Respublikasının Prezidenti yanında Gənclər Fondunun maliyyə dəstəyi , “Odlar Yurdu” Gənclər İctimai Birliyinin təşkilatçılığı və Azərbaycan Futbol Federasiyaları Assosiasiyasının və Bakcelin  tərəfdaşlığı ilə “Heydər Əliyev kuboku – 2014” mini futbol turnirinin rəsmi açılış mərasimi keçirilib. Tədbirdə AFFA-rəsmiləri, Azərbaycan Gənclər Fondunun nümayəndələri, şəhər ictimaiyyətinin nümayəndələri iştirak ediblər. Açılış mərasimində rəsmilərin çıxışları dinlənilib və püşkatma mərasimi keçirilib. Həmçinin turnirin ilk açılış oyunu da oynanılıb. Turnirdə Gəncə şəhərində fəaliyyət göstərən ali təhsil ocaqları, şirkətlər, banklar, idarələr ,müxtəlif müəssisələr və təşəbbüs qruplarından ibarət 16 komanda çempionluq uğrunda mübarizə aparacaq. Reqlamentə əsasən turnir play-off sistemi ilə keçiriləcək. (1/8, 1/4 , 1/2 , 1/1 ) Keçirilən oyunlar Azərbaycan Futbol Federasiyaları Assosiasiyasının hakimlər briqadası tərəfindən idarə olunacaq. Həmçinin komandalara tanınmış futbol ulduzları, məşqçilər və hakimlər tərəfindən “Heydər Əliyev kuboku – 2014” layihəsi çərçivəsində sağlam həyat tərzini təbliğ edən maarifləndirmə işləri aparılacaq və futbol haqqında geniş məlumatlar veriləcək.Qalib komandalar “Heydər Əliyev Kuboku” , fəxri fərman və medalla təltif olunacaq. Turnirin rəsmi bağlanış və final oyunu 23 avqust tarixində həyata keçiriləcək. Tural İsaqovun rəhbərlik etdiyi “Heydər Əliyev kuboku – 2014” mini futbol turniri layihəsinin əsas məqsədi futbolun gənclər arasında kütləviləşməsi, onların asudə vaxtlarının səmərəli təşkili, sağlam həyat tərzinin təbliğidir. Layihə iyun- sentyabr aylarını əhatə etməklə 3 ay müddətində icra olunacaqdır.

[postgallery_grid content=”image” columns=”4″ lightbox=”yes” attached_id=”16597″ id=”16597″ imageeffect=”reflection” imgheight=”154″ imgwidth=”240″ width=”980″ /]