[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/07/unnamed12.jpg ” ]
“Qızılbaş” Gəncləri Maarifləndirmə İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyilə həyata keçirdiyi “Məcburi köçkün uşaqlar: onların hüquqları” adlı layihənin icrasına başlayıb. Layihə çərçivəsində ilk tədbir Biləsuvar rayonunun ərazisində yerləşən 7 saylı Cəbrayıl qəsəbəsində baş tutub. Cəbrayıl rayon İcra Hakimiyyəti başçısının humanitar məsələlər üzrə müavini Fəridə İbayeva son illər ölkəmizdə uşaqların həyat səviyyəsinin yaxşılaşdırılması istiqamətində görülən işlərdən danışıb. F.İbayeva Azərbaycanda aztəminatlı ailələrin dövlət tərəfindən himayə olunduğunu bildirib. Qeyd edib ki, Cəbrayıl rayon İcra Hakimiyyəti məcburi köçkünlərin kompakt yaşadıqları qəsəbələrdə uşaqların yaradıcılıq imkanlarını üzə çıxarmaq üçün müxtəlif layihələr reallaşdırır. Jurnalist Araşdırmaları Mərkəzinin sədri, layihənin eksperti Seymur Verdizadə uşaq hüquqlarının öz əksini tapdığı yerli və beynəlxalq qanunvericilik barədə məlumat verib. Natiq 1989-cu il noyabr ayının 20-də Birləşmiş Millətlər Təşkilatı tərəfindən qəbul olunmuş Uşaq Hüquqları Konvensiyasının hökumətlərin qarşısına qoyduğu vəzifələrdən danışıb. Bildirib ki, Konvensiyadan irəli gələn vəzifələrin icrasına nəzarət etməklə bu sahədə daha effektiv nəticə əldə etmək mümkündür. Azərbaycan Mətbuat Şurasının sədr müavini, Jurnalistlərin Həmkarlar İttifaqının başqanı Müşfiq Ələsgərli uşaq hüquqlarının qorunmasında KİV-lərin üzərinə düşən vəzifələrdən danışıb. M.Ələsgərli deyib ki, KİV-lər uşaq hüquqlarının pozulması hallarına biganə qalmamalıdır. Natiq Azərbaycanda uşaq hüquqlarının qorunması sahəsində vəziyyəti araşdırmaq üçün KİV-lərə hərtərəfli şərait yaradıldığını bildirib. Tədbir iştirakçılarından Mustafa Ağayev, Mənsur Allahverdiyev, Tahir Rüstəmov və başqaları çıxış edib, mövzu ilə bağlı öz fikirlərini bölüşüblər.
[postgallery_grid content=”image” columns=”4″ lightbox=”yes” attached_id=”16385″ id=”16385″ imageeffect=”reflection” imgheight=”154″ imgwidth=”240″ width=”980″ /]
