[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/07/unnamed5.jpg ” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə keçirilən “Qarabağnamə – Tələbələrarası İntellektual Yarışması” layihəsi çərçivəsində Ümummilli lider Heydər Əliyevin anadan olmasının 91-ci ildönümünə həsr olunmuş intellektual yarış keçirilib. Azərbaycan Televiziya və Radio Verilişləri QSC-nin informasiya dəstəyi, Azərbaycan Tələbə Gənclər Təşkilatları İttifaqı, Azərbaycan İntellektual Oyunlar Klubu və “Virtual Qarabağ” İKT Mərkəzinin təşkilati dəstəyi ilə televiziya formatında keçirilən layihənin çəkilişləri 4 iyun tarixində “Atrium Hotel”-də baş tutub və 24 iyun tarixində Mədəniyyət kanalında yayımlanıb. “Layihə Qarabağın milli-mədəni dəyərlərinin fərqli metodla gənclər arasnda təbliği, Qarabağ həqiqətlərinin intellektual gənclər tərəfindən müxtəlif auditoriyalarda uğurlu nümayişi üçün şəraitin yaradılması, intellektual sahədə mövzu çərçivəsində milli-mədəni oyanışın yaradılması və gənclərə vətənpərvərlik ruhunun aşılanması məqsədini daşıyır” – deyə layihənin rəhbəri Çingiz Səfərov bildirib. İntellektual yarışda Qarabağın 11 rayonunun adını özündə əks etdirən 11 komanda mübarizəyə qoşulub və keçirilən seçim mərhələsində ən yüksək nəticə göstərən 3 komanda 2-ci mərhələdə birincilik uğrunda mübarizə aparıb. Qubadlı komandası yarışmanın qalibi olub. Daha sonra əsas oyunun qalibləri və qarabagname.com saytı vasitəsilə həyata keçirilən virtual yarışmanın qalibləri təltif olunub.
[postgallery_grid content=”image” columns=”4″ lightbox=”yes” attached_id=”16241″ id=”16241″ imageeffect=”reflection” imgheight=”154″ imgwidth=”240″ width=”980″ /]
