[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/07/IMG_6004-1.jpg ” ]
GİDF 17 iyun 2014-cü il tarixindən Azərbaycan Respublikasının Prezidenti yanında Gənclər Fondunun maliyyə, Sumqayıt şəhər Gənclər və İdman Baş İdarəsinin təşkilati dəstəyi ilə Sumqayıt şəhərinin 65 illik yubileyinə həsr edilmiş “Sumqayıtı tanı!” adlı layihəyə start verib.Layihənin təqdimat mərasimi 4 iyul 2014-cü il tarixində baş tutub.İlk olaraq GİDF-nun və layihənin rəhbəri Rütəm Sadıqzadə layihənin məqsəd və vəzifələrində danışıb. 2015-ci ilin mart ayının 17-dək davam edəcək layihənin həyata keçirilməsində məqsəd Sumqayıt şəhərinin qədim tarixi barədə tədqiqat apararaq əldə edilmiş gərəkli və dəyərli məlumatların geniş ictimaiyyətin, ilk növbədə gənclərin nəzərinə çatdırılması, həmçinin istedadlı gənclərin aşkara çıxarılaraq geniş ictimaiyyətə tanıdılmasıdır.Layihə çərçivəsində “Azərbaycan tarixində “Sumqayıt” adı (Tarixi mənbələr və araşdırmalar üzrə)” adlı kitabın hazırlanaraq çap etdirilməsi nəzərdə tutulub.Bundan başqa, şəhərin ümumtəhsil məktəblərinin IX-XI sinif şagirdləri arasında “Sumqayıt gənclərin gözü ilə!” mövzusunda inşa-yazı müsabiqəsinin və “Sumqayıt sabahım mənim!” adlı rəsm sərgi-müsabiqəsinin keçirilməsi planlaşdırılıb. Mütəxəssislərdən ibarət yaradılmış münsiflər heyətinin qərarı ilə yuxarıda qeyd olunan müsabiqələrdə seçilmiş ən yaxşı inşa yazılarından və rəsmlərindən ibarət “Sumqayıt gənclərin gözü ilə!” adlı almanaxın hazırlanaraq çap etdirilməsi nəzərdə tutulub.
Sonda tədbir iştirakçılarının layihə haqqında sualları cavablandırılıb.
