[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/07/unnamed.jpg” ]
Sumqayıtda Azərbaycan Respublikasının Prezidenti yanında Gənclər Fondunun maliyyə dəstəyi ilə “Ürəyimizdəki Vətən Sevgisi” adlı layihənin icrasına başlanılmışdır. Layihənin icra planına uyğun olaraq 22 iyun 2014-cü il tarixində keçirilən təqdimat mərasimində giriş sözü ilə çıxış edən layihə rəhbəri Pərviz Əlimuradov layihənin məqsədləri, vəzifələri və gözlənilən nəticələr barədə geniş məlumat vermişdir.
Layihənin məqsədi yeniyetmə və gənclər arasında vətənpərvərlik hissinin gücləndirilməsi, Azərbaycançılıq ideologiyası ilə bağlı təbliğat işlərinin sürətləndirilməsi, dövlət rəmzlərinin və milli bayramların təbliğ olunması, qan yaddaşımızın unudulmaması, gənclərin daima yüksək fiziki və hərbi hazırlığının olması, qədim dövlətçilik ənənələrinin qorunub saxlanılması üçün disputların keçirilməsindən ibarətdir.
Layihə rəhbəri keçiriləcək disputların sonunda gənclərin bir qrupu ilə Azərbaycançılıq ideyalarının, milli özünüdərkin, milli özünəqayıdış təfəkkürünün formalaşdırılmasının əsasını qoyan Ümummilli Lider Heydər Əliyevin Sumqayıt şəhərindəki abidəsinin ziyarət olunacağını, bunun da iştirakçılarda vətənpərvərlik hissinin möhkəmlənməsinə stimul verəcəyini qeyd edib.
Sonda layihənin icrasına hazırlıq işləri ilə bağlı bölgü aparılmış, müəyyən tövsiyə və tapşırıqlar dinlənilmişdir.
