[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/06/unnamed-20.jpg” ]
2-3 iyul 2014-cü il tarixlərində Şəki şəhərində gənclərin hepatitlə mübarizəsinə həsr olunmuş “Mən ailəmi qoruyuram!” adlı seminarlar keçiriləcək. Şəki şəhərində gənclərin və gənc ailələrin maarifləndirilməsi məqsədi daşıyan seminarlar təşkil olunacaqdır. Hepatitlə mübarizəyə həsr olunmuş “Mən ailəmi qoruyuram!” adlı seminarlar Gənclər Fondunun maliyyə dəstəyi ilə həyata keçirilir. Layihənin təşkilatı dəstəyi Şəki Mərkəzi Rayon Xəstəxanasıdır. Layihənin sponsorları “Grand Hospital” və “Roche Azərbaycan” şirkətidir.
2-3 iyul 2014-cü il tarixlərində keçiriləcək seminarlarda Azərbaycan Respublikasında fəaliyyət göstərən tanınmış həkim hepatoloqlar Şəkili gənclərə hepatit virusu, hepatitə yoluxma ilə nəticələnən zərərli vərdişlər, onun müalicə yolları, yoluxma səbəbləri, gənc qadınlarda hamiləlik zamanı hepatitlər və uşaqların hepatitdən qorunması mövzularında təlimlər verəcəklər.
Layihənin rəhbəri Şəki Mərkəzi Rayon Xəstəxanasının həkimi Günay Əliyevadır. Seminar 2 gün ərzində 200 nəfər gənclə maarifçilik işinin aparılmasını qarşısına qoymuşdur.
Layihənin məqsədi əsrimizin bəlalarından birinə çevrilmiş Hepatit xəstəliyinin vaxtında önlənməsi və ona yoluxma hallarının maarifçilik yolu ilə azaldılmasına çalışmaq, hər bir Şəki gəncinin öz ailəsini gələcəkdə bu bəladan qorumaq üçün ətraflı məlumata sahib olmasını təmin etmək və bu gənclərin gələcəkdə ətrafdakı insanlara da anlatması yolu ilə daha böyük gənclər auditoriyasına çıxış əldə etməkdir.
Seminarda iştirak etmək istəyən gənclər www.menailemiqoruyuram.com saytında qeydiyyatdan keçməlidir. Seminarda iştirak edən gənclər “Grand Hospital”da hepatitdən müayinə olunmaları üçün pulsuz müayinə kuponları da alacaqlar.