[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/06/1401453388_junior-pasha-bank-genclerde-sahibkarliq-48.jpg” ]
“Sülh Mədəniyyəti Naminə Gənclər” İctimai Birliyi Azərbaycan Respublikasının Prezidenti yanında Gənclər Fondunun elan etdiyi 5-ci qrant müsabiqəsinin qalibi olmuşdur.
Azərbaycan Respublikasının Prezidenti yanında Gənclər Fondunun maliyyə dəstəyi ilə İctimai Birlik tərəfindən icra olunacaq “Gənclərin sahibkarlıq bacarıqlarının və məşğulluğunun təmin olunması” adlı layihə 16 iyun 2014-cü il tarixindən 16 dekabr 2014-cü il tarixinədək olan dövrü əhatə edəcək. Qeyd olunan layihənin əsas məqsədi gənclər üçün təlimlərin təşkil edilməsi yolu ilə gənclərin sahibkarlıq bacarıqlarının və məşğulluğunun artırılmasından ibarətdir.
Layihənin məqsədinə nail olmaq üçün gənclərin potensial ehtiyaclarının və peşə səriştələrinin təhlilinin aparılması, gənclərin sahibkarlıq bacarıqları üzrə potensialının gücləndirilməsi məqsədilə onlar üçün Gəncə, Şəki və Mingəçevir şəhərlərində təlimlərin təşkil edilməsi, gənclərin və ekspertlərin iştirakı ilə Bakıda tədbirin keçirilməsi və eləcə də, maarifləndirici kitabçaların nəşri nəzərdə tutulmuşdur.
Qeyd edək ki, artıq layihənin icrasına başlanılmışdır.
