[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/06/unnamed-10.jpg” ]
“Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Gənclər Fondunun maliyyə dəstəyi ilə “Mən fəxr edirəm ki, Azərbaycanlıyam” adlı layihənin ikinci hissəsinin başlanılması ilə bağlı “Trend” müstəqil informasiya agentliyində mətbuat konfransı keçirib.
Mətbuat konfransında çıxış edən TUMİB-in sədri Çingiz Bayramov layihənin birinci hissəsinin uğurla yekunlaşmasından danışıb. TUMİB-in sədri qeyd edib ki, gənclərin vətənpərvərlik və azərbaycançılıq ideologiyası ilə bağlı lazımi səviyyədə maarifləndirilməsi məqsədilə layihənin ikinci hissəsinin başlanılması mühüm əhəmiyyət kəsb edəcək.
Daha sonra çıxış edənlər Azərbaycan Respublikasının Prezidenti yanında Gənclər Fondunun sektor müdiri Vaqif Seyidbəyov, “Addım” Yaradıcı Gənclər Assosiasiyasının sədri, fəlsəfə elmləri doktoru Hüseyn Cavadzadə, Jurnalist Araşdırmaları Mərkəzinin sədri Seymur Verdizadə, tarixçi Cabir Dövlətzadə layihənin aktuallığından bəhs edib və layihənin həyata keçirilməsində TUMİB-ə uğurlar diləyiblər.
Təşkilatın rəhbərliyi tərəfindən mətbuat konfransında layihə haqqında ətraflı məlumat verilib. Bildirilib ki, layihədə Bakı, Lənkəran, Masallı, Qazax, Ağstafa, Şəki və Quba şəhərlərində təlimlərin keçirilməsi, adıçəkilən regionlarda (yaş həddi 14-29) yeniyetmə və gənclər arasında Vətənə hörmət hissinin və milli şüura sahib olmanın incəliklərinin aşılanması məqsədilə vətənpərvərliklə bağlı şeir, mahnı, rəsm əsərləri müsabiqələri və gənc jurnalistlər arasında yazı müsabiqəsinin təşkili nəzərdə tutulub.
Layihə başa çatdığı zaman müsabiqələrdə qalib gələnlərə mükafatlar və diplomlar təqdim ediləcək.
Onun sözlərinə görə, şeir, mahnı və rəsm müsabiqələrində 14-18 və 18-29 yaşlı yeniyetmə və gənclər iştirak edə bilər. Müsabiqədə “Mən fəxr edirəm ki, Azərbaycanlıyam” mövzusunda şeir yazan və intonasiyalı şeir söyləməyi bacaran Bakı, Lənkəran, Masallı, Qazax, Ağstafa, Şəki və Quba şəhərlərində yaşayan yeniyetmə və gənclər iştirak edə bilərlər.
Həmçinin, TUMİB “Мən fəxr edirəm ki, Azərbaycanlıyam” mövzusunda 18-29 yaşları olan gənc jurnalistlər arasında məqalə müsabiqəsi də elan edir. Məqalə dövri mətbuatda dərc olunduqdan sonra müsabiqəyə təqdim edilməlidir. Müsabiqə qaliblərinə pul mükafatları veriləcəkdir.
Müsabiqənin tələbləri:
1. Müsabiqənin keçirilmə tarixləri: 15.06.2014-01.10.2014-cü il;
2. Özü haqqında məlumat (CV);
3. 2 ədəd 3×4 ölçüdə foto-şəkil .
Şeir müsabiqəsi haqqında:
14-18 və 18-29 yaşlı yeniyetmə və gənclər müsabiqəyə qatıla bilər. Müsabiqədə “Mən fəxr edirəm ki, Azərbaycanlıyam” mövzusunda şeir yazan və intonasiyalı şeir söyləməyi bacaran Bakı, Lənkəran, Masallı, Qazax, Ağstafa, Şəki və Quba şəhərlərində yaşayan yeniyetmə və gənclər iştirak edə bilər. Qaliblərə mükafatlar və diplomlar təqdim ediləcək.
Mahnı müsabiqəsi haqqında:
14-18 və 18-29 yaşlı yeniyetmə və gənclər müsabiqəyə qatıla bilər. Müsabiqədə “Mən fəxr edirəm ki, Azərbaycanlıyam” mövzusunda mahnı ifa edən Bakı, Lənkəran, Masallı, Qazax, Ağstafa, Şəki və Quba şəhərlərində yaşayan yeniyetmə və gənclər iştirak edə bilər. Qaliblərə mükafatlar və diplomlar təqdim ediləcək.
Rəsm müsabiqəsi haqqında:
14-18 və 18-29 yaşlı yeniyetmə və gənclər müsabiqəyə qatıla bilər. Müsabiqədə “Mən fəxr edirəm ki, Azərbaycanlıyam” mövzusunda rəsm çəkən Bakı, Lənkəran, Masallı, Qazax, Ağstafa, Şəki və Quba şəhərlərində yaşayan yeniyetmə və gənclər iştirak edə bilər. Qaliblərə mükafatlar və diplomlar təqdim ediləcək.
Yazı müsabiqəsi haqqında:
TUMİB “Mən fəxr edirəm ki, Azərbaycanlıyam” mövzusunda gənc jurnalistlər (18-29 yaş) arasında məqalə müsabiqəsi elan edir. Məqalə dövrü mətbuatda dərc olunduqdan sonra müsabiqəyə təqdim edilməlidir.
1-ci yerin qalibi-150 manat;
2-ci yerin qalibi-100 manat;
3-cü yerin qalibi-50 manat;
4-cü yerin qalibi-50 manat.
Qeyd:
Müsabiqənin nəticələri Azərbaycanın tanınmış bir qrup ziyalılarından ibarət qurulmuş münsiflər heyəti tərəfindən dəyərləndiriləcək. Qaliblərə mükafatlar və diplomlar təqdim ediləcək.
Ətraflı məlumat üçün əlaqə vasitələri:
(+99477) 2500100
(+99412) 5117374
e-mail: [email protected]
