[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/06/unnamed-61.jpg” ]
2014-cü ilin 7 iyun tarixində Azərbaycan Respublikasının Prezidenti yanında Gənclər Fondunun (AzGF) maliyyə dəstəyi ilə çap olunmuş “Yeniləşən Köhnə Bakı” kitabının təqdimat mərasimi keçirilib.
“Divan Express” otelində keçirilmiş mərasimdə kitabın müəllifi və layihə rəhbəri Nadir Şəfiyev kitab barədə tədbir iştirakçılarına ətraflı məlumat verərək, bildirib ki, bu kitab Bakıdakı bir çox binaların XX əsrin əvvəlləri və ortalarında çəkilmiş 50-yə yaxın köhnə və eyni zamanda, onların müasir görünüşlərini əks etdirən müqayisə xarakterli şəkillərdən ibarətdir.
Nadir Şəfiyevin sözlərinə görə kitabın nəşrində əsas məqsəd şərqin ulduzu adlanan Bakı şəhərinin keçmişi ilə gələcəyi arasında virtual körpü yaratmaqdır. Bu kitabın köməyi ilə hər bir kəs qədim və müasir Bakının görünüşü ilə tanış ola bilər.
Sonra söz alan “Modern Marketing Group”un təsisçisi Yusif Vəliyev və ADİU TEC sədri Cavidan Qasımlı kitabın önəmini bir daha vurğulayıblar.
Təqdimat mərasimi tədbir iştirakçılarının suallarının cavablandırılması və müəllifin imzalı kitablarının paylanılması ilə yekunlaşıb.
[postgallery_grid content=”image” columns=”4″ lightbox=”yes” attached_id=”15950″ id=”15950″ imageeffect=”reflection” imgheight=”154″ imgwidth=”240″ width=”980″ /]