[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/05/layih.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Əzəli Yurdum-Qarabağ” layihəsi davam edir. Layihə çərçivəsində növbəti tədbir Azərbaycan Universitetində baş tutub. Tədbirdə layihə rəhbəri Əli Qənbərli, Universitetin İqtisadiyyat və idarəetmə fakültəsinin dekanı Akif Əlizadə, Azərbaycan Universiteti YAP Gənclər Birliyinin sədri Eyvaz Məmmədov və tələbələr iştirak ediblər.
Tədbiri giriş sözü ilə açan layihə rəhbəri Əli Qənbərli tələbələrə Gənclər Fondu haqqında geniş məlumat verərək layihənin məqsəd və vəzifələrindən danışıb. Layihə rəhbəri qeyd edib ki, layihə çərçivəsində bukletlər hazırlanıb, banner çap olunub, bir neçə universitetdə tədbirlər keçirilib. Çap olunan bukletlərdə Qarabağ haqqında geniş məlumatlar əks olunmuşdur. Fikirlərini davam etdirən layihə rəhbəri vurğulayıb ki, layihə çərçivəsində istedadlı gənclərin Qarabağ haqqında məqalələri, şeirləri toplanılaraq kitab formasında çap olunacaq.
Sonra çıxış edən Akif Əlizadə bu tip layihələrin müntəzəm olaraq təşkil olunmasını gənclərə tövsiyyə etmiş, hər bir gəncin vətənpərvər keyfiyyətlərə malik olmasının vacibliyini vurğulamışdır. Çıxış edən Eyvaz Məmmədov layihənin əhəmiyyətindən danışaraq Qarabağ haqqında tələbələrə geniş məlumat verib.
Sonda yenidən çıxış edən Əli Qənbərli Qarabağın tarixi, təbiəti, görkəmli şəxsiyyətləri, Qarabağın əsl Azərbaycan torpağı olmasını isbat edən faktlar, Qarabağ münaqişəsi haqqında məlumatları tələbələrin diqqətinə çatdırıb. Sonda layihə çərçivəsində hazırlanmış bukletlər tələbələrə paylanılıb.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15365″ id=”15365″ imageeffect=”reflection” imgheight=”154″ imgwidth=”240″ width=”980″ /]
