[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/05/unnamed-54.jpg” ]
Azərbaycan Respublikasının Prezidenti yanında Gənclər Fondunun (AzGF) maliyyə və Azərbaycan Tələbə Gənclər Təşkilatları İttifaqının (ATGTİ) təşkilatı dəstəyi ilə ittifaqın üzvü Məcid Musayevin fərdi rəqs müsabiqəsi layihəsi “Dance with me!” (Mənimlə rəqs et) həyata keçirilmişdir.
Cari ilin aprel ayının 5-də Azərbaycan Dövlət Filarmoniyasının kamera və orqan musiqisi zalında keçirilmiş konsertdə daha öncədən daxili seçimlər vasitəsilə müəyyən edilmiş 3 ən yaxşı gənc rəqqas I, II və III yerlər uğrunda mübarizə aparıblar. Onların çıxışlarından sonra yekun nəticələrə görə Azərbaydan Dövlət İqtisad Universitetinin tələbəsi Emil Məmmədli I, “The Orphans” qrupu II və Azərbaycan Respublikasının Prezidenti yanında Dövlət İdarəçilik Akademiyasının tələbəsi Ramtiq Alızadə III yerə layiq görülmuşdür.
Diqqətə çatdırırıq ki, gənc rəqqaslar dubstep, pop və milli janrlarda rəqs nömrələri təqdim etmişlər.
Layihə rəhbəri Məcid Musayev bildirmişdir ki, müsabiqənin əsas məqsədi istedadlı gənc rəqqasları müəyyən etmək, ümumilikdə gənclər arasında müxtəlif rəqs növlərinə marağı artırmaqdır.
Qeyd edirik ki, müsabiqənin qaliblərinə kubok, sertifikat və qiymətli hədiyyələr təqdim edilmişdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15349″ id=”15349″ imageeffect=”reflection” imgheight=”154″ imgwidth=”240″ width=”980″ /]
