[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/05/unnamed-41.jpg” ]
Azərbaycan Respublikasının Prezidenti yanında Gənclər Fondunun elan etdiyi IV qrant müsabiqəsinin qalibi Ülviyyə Rəhimova Faiq qızı tərəfindən icra olunan “Vətənimin Xatirəsi” layihəsi çərçivəsində təşkil olunmuş vətənpərvərlik müsabiqəsinə 26 aprel 2014-cü il tarixində yekun vurulmuşdur. Layihə çərçivəsində gənclər tərəfindən hazırlanaraq müsabiqəyə təqdim olunmuş video-çarxlar Azərbaycanın tarixi, işğal altında olan bölgələrimizi, milli qəhramanlarımızı, şəhidlərimizi və onların həyatını və s. istiqamətləri əhatə etmişdir.
Müsabiqəyə təqdim olunan video-çarxlar münsiflər heyəti vasitəsilə seçilərək müxtəlif yerlərə (I, II, III) layiq görülmüşdür. Müsabiqədə qalib gəlmiş şəxslərə sertifikat və qiymətli hədiyyələr təqdim olunmuşdur. Həmçinin, 10 ən yaxşı video-çarx müəllifinə də diplom verilmişdir.
Məlumat üçün qeyd edək ki, ilk üçlüyə daxil olan video-çarxın hər birinin nüsxəsi disk halında artırılaraq ictimai təşkilatlara, müxtəlif təhsil müəssisələrində paylanacaq və sözügedən müəssisələrdə həmin video-çarxların təqdimatlarının keçirilməsi təmin ediləcəkdir.
Əlavə olaraq bildiririk ki, müsabiqənin keçirilməsində əsas məqsəd gənclər arasında vətənpərvərlik ruhunun təbliği, milli qəhrəman və şəhidlərimizin yaxından tanıdılması, gənclərin yaradıcılıq potensialının inkişafına nail olunması, onların vətəndaş cəmiyyətinin inkişafında iştirakının artırılmasıdır.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15332″ id=”15332″ imageeffect=”reflection” imgheight=”154″ imgwidth=”240″ width=”980″ /]
