[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed-383.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Pinhol” layihəsinə 24 aprel 2014-cü il tarixində Bakı şəhərində start verilib. Gənclər Fondunun dəstək verdiyi layihə profillərindən biri də gənclərin asudə vaxtlarını düzgün və səmərəli dəyərləndirməsi idi. Məhz “Pinhol” layihəsi də bele tip layihələrdəndir və məqsədi gənclərimizin asudə vaxtının səmərəli təşkili, istedadlı gənclərin üzə çıxarılması və Azərbaycan gəncliyinin Beynəlxalq incəsənət növləri ilə tanışlığıdır.
Layihə rəhbəri Xanım Əliyeva bildirib ki, layihənin ilk günündə, pinhol kamera hazırlamağa marağı olan 100 nəfər kreativ gəncə Ümumdünya Pinhol Fotoqrafiyası haqda məlumat verilib, daha sonra 2 saat ərzində pinhol kamera düzəltmək haqqında nəzəri təlim baş tutub.
Pinhol Fotoqrafiyası kustar, lakin sadə üsullarla fotokameraların hazırlanması və bu kameralar vasitəsilə fotoların çəkilməsini özündə əks etdirir.
Pinhol kamera sadəcə kibrit qutusundan düzəldilən, obyektivsiz, əvəzində diafraqma şəklində kiçik dəlikdən və qarşısında işıq keçirməz qutudan ibarət fotoqrafik cihazdır. Obyektlərdən əks olunan işıq şüaları kiçik dəlikdən keçərək kameranın divarında tərsinə çevrilmiş təsvir yaradır və fotoşəkil çəkilir.
Qeyd edək ki, Pinhol kameranın hazırlanması təlimi həm layihə rəhbəri, həm də Azərbaycan Fotoqraflar Birliyinin idarə heyyetinin üzvü və 3 illik pinhol təcrübəsinə malik Xanım Əliyeva tərəfindən keçirilib.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15219″ id=”15219″ imageeffect=”reflection” imgheight=”154″ imgwidth=”240″ width=”980″ /]
