[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed84.jpg” ]
“Gəncliyin Şöləsi” Gənclərin İnkişafı İctimai Birliyi Azərbaycan Respublikasının Prezidenti yanında Gənclər Fondunun maliyə dəstəyi ilə “Sülh və təhlükəsizlik naminə gənclər fəaliyyəti”-BMT Modeli və Azərbaycan Gənclərinin BMT-yə mübadilə səfəri adlı layihə həyata keçirir.
Layihənin əsas məqsədi Bakı şəhərində BMT Modelini yaratmaq, Azərbaycan gənclərinin ABŞ-ın Nyu-York şəhərinə mübadilə səfərini təşkil edərək BMT Baş Assambleyasının simulyasiyasında iştirak etmək və Azərbaycan həqiqətlərini, o cümlədən, Dağlıq Qarabağ problemini dünya ictimaiyyətinə çatdırmaqdır. Layihə “Gəncliyin Şöləsi” Gənclərin İnkişafı İctimai Birliyi tərəfindən ABŞ-ın Yeni Mekiska Dövlət Universitetinin BMT Modeli təşkilatı və Gürcüstanın“Ertoba” Gənclər Birliyi ilə əməkdaşlıq çərçivəsində həyata keçirilir.
Layihə çərçivəsində “Gəncliyin Şöləsi” Gənclərin İnkişafı İctimai Birliyi tərəfindən müvafiq elanlar verilmiş və müsabiqə yolu ilə Azərbaycanda BMT Modelini formalaşdıracaq İdarə heyəti və iştirakçı gənclər seçilmişdir. Azərbaycan nümayəndə heyətinin üzvləri Qərənfil Həsənova, Leyla Aslanova və Orxan Abbasov 13-17 aprel 2014-cü il tarixlərində Nyu York şəhərində BMT Baş Assambleyasının simulyasiyasında iştirak etmişlər. Beynəlxalq Simuliyasiyanın qaydalarına əsasən iştirakçı ölkə digər dost bir ölkəni Simulasiyada təmsil etməli və onun təqdimatını aparmalı idi. Azərbaycan nümayəndə heyəti Makedoniya Respublikasını təmsil etmişdir. Öz növbəsində Makedoniya Respublikası isə Azərbaycanı təmsil etmiş və onun təqdimatını etmişdir. Bunun üçün Azərbaycan nümayəndə heyəti Makedoniya Respublikasına ölkəmiz haqqında müvafiq məlumatlar vermişdir. Simulasiya zamanı hər iki ölkənin təqdimatı uğurla həyata keçirilmişdir. Eyni zamanda, Simulasiya zamanı Azərbaycanda yaradılacaq BMT Modelinin təqdimatı da təşkil olunmuşdur. Konfrans zamanı Azərbaycan nümayəndə heyəti BMT Baş Assambleyasında görüşdə iştirak edərək ölkəmizi təmsil etmişdir.
Layihənin yekunu olaraq 2014-cü ilin iyun-iyul aylarında Bakıda Azərbaycanlı gənclərin iştirakı ilə “Sülh və təhlükəsizlik naminə gənclər fəaliyyəti” mövzusunda gənclərin BMT Modeli təşkil olunacaqdır. Həmçinin, bu ilin oktyabr ayında yenidən ABŞ-ın Nyu-York şəhərində təşkil olunacaq BMT Baş Assambleyasının Simulyasiyasında iştirak etmək üçün müraciət olunacaq və müvafiq fəaliyyətlər həyata keçiriləcəkdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”15043″ id=”15043″ imageeffect=”reflection” imgheight=”154″ imgwidth=”240″ width=”980″ /]
