[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed69.jpg” ]
13 aprel 2014-cü il tarixində Beyləqan rayon Mədəniyyət Evində Azərbaycan Respublikasının Prezidenti yanında Gənclər Fondunun maliyyə dəstəyi ilə “Regionda intellektual hərəkatın təbliği” layihəsi çərçivəsində Beyləqan İcra Hakimiyyətinin, Gənclər və İdman İdarəsinin, Təhsil Şöbəsinin, “Beyləqan Gənclərinin Maarifləndirilməsi və Sosial İnkişafı” İctimai Birliyinin, “MİL” İntellektual Klubunun birgə təşkilatçılığı ilə final-“Gənclik” kuboku yarışı təşkil edilmişdir.
Yarışda Beyləqan, Xocavənd, Ağcabədi komandaları 1-cilik uğrunda mübarizə aparmışlar. Yarış “Xəmsə” milli intellektual oyun növü üzrə keçirilmişdir. Həm layihənin finalı hesab olunan, həm də “Gənclik” kuboku adlanan yarışda Ağcabədi şəhərinin təmsilçisi olan Pedoqoji Kollecin “Düşüncə” komandası bütün rəqiblərini qabaqlayaraq “Gənclik” kubokunu başı üzərinə qaldırmışdır. Müvafiq olaraq 2-ci və 3-cü yerin sahibi Xocavənd rayonunun təmsilçisi “Neytral qəfəs” və “Zirvə” komandaları olmuşlar. Qaliblər diplom və hədiyyələrlə mükafatlandırılmışlar.
Xatırladaq ki, layihə Beyləqan ilə yanaşı, Ağcabədi, Xocavənd və Füzuli rayonlarını da əhatə edib. Layihə çərçivəsində hər rayonda “Nə? Harada? Nə zaman?” və “Xəmsə” intellektual oyun növləri üzrə yarışlar keçirilmiş, ilk iki yerin qalibi olmuş komandalar layihənin sonunda Beyləqanda təşkil edilmiş finalda-“Gənclik” kubokunda oynamaq şansı qazanmışlar.
Həmçinin, layihənin icra olunduğu rayonların hər birində yaradılmış intellektual klubların fəaliyyətinə də dəstək göstərilmiş, onların gələcək fəaliyyətləri də mütəmadi olaraq müzakirə edilmişdir. Layihənin əsas məqsədi region gəncləri arasında müxtəlif intellektual yarışlar təşkil etməklə onlarda cəld və düzgün qərar qəbuletmə keyfiyyətlərinin və intellektual səviyyənin qeyri-formal yolla inkişafına dəstək olmaq və intellektual şəbəkələşmə prosesinə təkan verməkdən ibarətdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”14688″ id=”14688″ imageeffect=”reflection” imgheight=”154″ imgwidth=”240″ width=”980″ /]
