[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/unnamed44.jpg” ]

Azərbaycan Respublikasının Prezidenti yanında Gənclər Fondunun maliyyə dəstəyi ilə Bağırov Səid Arif oğlunun “Mənim İxtisasım, Mənim Karyeram” layihəsinin icrasına yekun vurulmuşdur.

Belə ki, layihə çərçivəsində Cəlilabad rayonunun Müəllimlər İnstitutunda təhsil alan tələbələrə uğurlu karyeranın qurulması istiqamətində və eyni zamanda 1, 8 və 4 №-li orta məktəblərdə 10 və 11-ci sinif şagirdlərinə isə ixtisas seçimi ilə bağlı qısa seminarlar keçirilmişdir.

29-30 mart 2014-cü il tarixlərində isə bölgə gəncləri üçün iki günlük təlim kursu təşkil edilmişdir. Açılış mərasimində Cəlilabad rayon İcra Hakimiyyəti Başçının müavini, İctimai-siyasi və humanitar məsələlər şöbəsinin müdiri Əliyeva Dürdanə Rafiq qızı da iştirak etmişdir.

Layihənin icrasında “Gənclərin Maarifləndirilməsinə və İnkişafına Dəstək” İctimai Birliyi və Cəlilabad Rayon İcra Hakimiyyəti əməkdaşlıq etmişdir.

Təlim kursları və seminarlarda gənclərə ixtisas seçiminin vacibliyi, edilən seçimlərin fərdin yaradıcı istedadıyla uyğun olması, gələcəkdə bu ixtisasda uğurlu karyera qurmanın teorik və praktiki tərəfləri, iş həyatında zamanın düzgün idarə edilməsi kimi biliklər aşılanmışdır.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”14198″ id=”14198″ imageeffect=”reflection” imgheight=”154″ imgwidth=”240″ width=”980″ /]