[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/31.jpg” ]
Azərbaycan Respublikasının Prezidenti yanında Gənclər Fondunun elan etdiyi IV qrant müsabiqəsinin qalibi Ayaz Əhmədzadə “Asudə vaxtımda turistəm” adlı layihənin icra planına uyğun olaraq məzunu olduğu Azərbaycan Turizm İnstitutunda maarifləndirmə təlimi keçirmişdir.
Tədbir iştirakçıları tərəfindən maraqla qarşılanmış layihənin məqsədi gənclərin asudə vaxtlarının səmərəli təşkilinə kömək olmaqdır. Bu məqsədlə keçirilmiş təlimdə tələbələrə ölkənin uğurlu gənclər siyasətində Gənclər Fondunun rolu, asudə vaxtdan daha səmərəli istifadə yolları, bu məqsədlə turizmin müxtəlif sahələri ilə məşğul olmağın faydaları, mexanizmləri və istiqamətləri haqqında məlumat verilmişdir. Layihə çərçivəsində turizm sahəsində öz hüquq və vəzifələrini bilən gənclərin yetişməsinə dəstək olmaq məqsədilə tədbir iştirakçılarına bukletlər də təqdim olunmuşdur. Təlim zamanı asudə vaxt nədir, asudə vaxtın səmərəli təşkili yolları, bunun üçün vacib olan amillər və faktorlar, asudə vaxtın təşkili ilə bağlı problemlər, Azərbaycanda turizm infrastrukturu, kimlər turist hesab olunur, turistin vacib sənədləri, turistin yaddaş kitabçası, turizmin inkişaf mexanizmləri, yaxın gələcəkdə turizm və gənclik kimi mövzular interaktiv metodlarla müzakirə olunmuş, “Turizm haqqında” Azərbaycan Respublikasının Qanunu barədə məlumat verilmişdir.
Layihənin rəhbəri Ayaz Əhmədzadə öz şəxsi təcrübəsinə və faktlara əsaslanaraq asudə vaxtda turist səfərlərinin səmərəli təşkili üçün vacib olan amilləri şərh etmiş, bu səfərlərin stimullaşdırılması və intensivləşdirilməsi məqsədilə gənclər üçün güzəştli turların təşkil olunmasının vacibliyini qeyd etməklə iştirakçıları maraqlandıran sualları cavablandırmışdır.
Tədbirin sonunda tələbə gənclərin asudə vaxtla bağlı, turizm imkanları və onlardan istifadə zamanı qarşılanan problemlərin aradan qaldırılması barədə təklifləri, rəyləri, təşəbbüsləri dinlənilmişdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”14102″ id=”14102″ imageeffect=”reflection” imgheight=”154″ imgwidth=”240″ width=”980″ /]
