[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/d.jpg” ]

27 mart 2014-cü il tarixində Azərbaycan Respublikasının Prezidenti yanında Gənclər Fondunun maliyyə dəstəyi ilə C kateqoriyası üzrə həyata keçirilən “Əzəli Yurdum Qarabağ” layihəsinin açılış mərasimi keçirilmişdir. Layihənin açılışı Azərbaycan Dillər Universitetində baş tutmuşdur. Tədbirdə layihə rəhbəri Əli Qənbərli, ADU-nun Regionşünaslıq və Beynəlxalq münasibətlər fakültəsinin dekanı Anar Nağıyev, ADU-nun rektorunun müşaviri Vazeh Əsgərov, İqtisadiyyat və Sənaye Nazirliyinin əməkdaşı Mehti Namazov iştirak edib.

Tədbiri giriş sözü ilə açan Anar Nağıyev son illərdə ölkəmizdə həyata keçirilən gənclər siyasətindən danışaraq qeyd edib ki, gənclərin vətənpərvərlik ruhunda tərbiyəsi çox önəmlidir. Layihə barədə fikirlərini söyləyən Anar Nağıyev layihənin hazırki dövr üçün əhəmiyyətli olduğunu qeyd etmiş və bu tipli layihələrin müntəzəm olaraq təşkil olunmasının lazım olduğunu vurğulamışdır. Daha sonra layihə rəhbəri vurğulayıb ki, layihə çərçivəsində istedadlı gənclərin Qarabağ haqqında məqalələri, şeirləri, rəsmləri və digər yaradıcılıq nümunələri toplanaraq kitab formasında çap ediləcək.

Sonra tələbələrə “Əzəli Yurdum Qarabağ” layihəsi çərçivəsində çap edilmiş bukletlər paylanılıb. Tədbir diskusiyya formatında davam edib.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”13998″ id=”13998″ imageeffect=”reflection” imgheight=”154″ imgwidth=”240″ width=”980″ /]