[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/04/BAYRAQ-2.jpg” ]

“Vətəni namus, bayrağı can bildik” layihəsi Azərbaycanın müstəqilliyi üçün öz canından keçən şəhidlərimizi, igid oğul və qızlarımızı indiki gənc nəslə örnək bir həyat yolu kimi göstərməyə və vətəni, milləti üçün qəhrəmanlıq şücaəti göstərənlərin hər zaman qəlblərdə əbədi yaşayacağının gənclər arasında təbliğinə xidmət edir.

Layihənin icrasına hazırlıq işləri başlanılmışdır. Layihənin icra planına əsas işçi qrupu müəyyənləşdirilmiş, iş bölgüsü aparılmışdır. Abşeron rayonunda yerləşən orta məktəblərə keçiriləcək layihə barədə məlumat verilmişdir. Hazırda Qarabağ müharibəsi zamanı vətən uğrunda şəhid olan qəhrəmanlar haqqında materiallar toplanır.

Layihənin icrası zamanı toplanan materiallar dərc olunaraq Bakı ətrafı qəsəbələrin sakinlərinə və orta məktəb şagirdlərinə paylanılacaqdır.

Tədbirlərə 5 aprel 2014-cü il tarixində start veriləcəkdir.