[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/azercell_media_301013.jpg” ]

Azərbaycan Respublikasının Prezidenti Yanında Gənclər Fondunun maliyyə dəstəyi ilə C kateqoriyası üzrə “Gənclər üçün peşə təlimlərinin təşkili” adlı layihə həyata keçirilir. Bu gün cəmiyyətimizi İKT anlayışı olmadan təsəvvür etmək olmaz. Layihə müddətində yeniyetmə və gənclər üçün kompüter kursları təşkil ediləcək.

Layihənin əsas məqsədi gənclər üçün peşə təlimlərinin təşkili və onların bu sahədə təcrübəli mütəxəssis kimi yetişdirilməsindən ibarətdir.

Həyata keçirilən layihədən yeniyetmə və gənclər faydalanacaqlar. Sosial durumu zəif ailədən olan 20 nəfər gəncin peşə təlimlərində iştirakı təmin ediləcək. Kursu bitirən şəxslər İKT sahəsində zəngin biliklər əldə edəcək, gələcəkdə əldə etdikləri bilikləri ətrafdakılarla paylaşacaqlar.

İKT sahəsində zəngin biliklərə yiyənləndikdən sonra təcrübəli mütəxəssis kimi yetişdirilən gənclər yaşadıqları yerlərdə 100-lərlə insanlara xidmət göstərəcək.

Layihənin sonunda aparılan işlərin effektivliyini müəyyən etmək üçün qiymətləndirmə aparılacaq və iştirakçıların layihənin əhəmiyyəti ilə bağlı fikirləri öyrəniləcəkdir.