[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/03/unnamed-1.jpg” ]

“Gənclərin Sosial Tərəfdaşlığı Mərkəzi” İctimai Birliyi Azərbaycan Respublikasının Prezidenti Yanında Gənclər Fondunun maliyyə dəstəyi ilə “Gənclərin peşə bacarıqlarına yiyələnməsinə kömək” adlı layihəsini həyata keçirmişdir. Layihənin məqsədi Mərkəzi Aran rayonu-Saatlı şəhərində aztəminatlı ailələrdən olan gənclər üçün ödənişsiz kompüter kurslarının təşkil edilməsi ilə onların bu sahədə biliklərə yiyələnməsinə və məşğulluğunun artırılmasına nail olmaqdan ibarət idi.

Layihədən Saatlı şəhərində aztəminatlı ailələrindən olan gənclər faydalanmış və kompüter biliklərinə yiyələnmişlər. 3 ay müddətində icra olunan layihədə 150 nəfər gənc faydalanmışdır. Təlimlər Saatlı rayonunun orta məktəblərində həyata keçirilmişdir. Keçirilən təlimlər zamanı nəşr olunmuş maarifləndirici bukletlər iştirakçılar, eyni zamanda ictimai yerlərdə gənclər arasında paylanmışdır.

Aparılmış işlər gənclərin kompüter texnologiyalarından istifadə imkanlarının artırılmasına xidmət etmişdir. Kursu uğurla bitirən iştirakçılara təşkilat tərəfindən sertifikatlar təqdim edilmişdir.

Layihənin davamlılığının təmin olunması üçün layihə başa çatdıqdan sonra Ağdam, Goranboy, Tərtər, Göygöl və Ağcabədi rayonlarında da məcburi köçkünlər üçün salınan yeni qəsəbələrdə ödənişsiz kompüter kurslarının təşkil edilməsi nəzərdə tutulub və bu istiqamətdə işlər aparılmaqdadır.

[postgallery_grid content=”image” columns=”4″ lightbox=”yes” attached_id=”12920″ id=”12920″ imageeffect=”reflection” imgheight=”154″ imgwidth=”240″ width=”980″ /]