[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/02/fond-ucun-3.jpg” ]

14 yanvar 2014-cü il tarixində, saat 16:00-da Nizami Kino Mərkəzində Humay Fərəcovanın Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Gənc Azərbaycan” adlı qısametrajlı film festivalı keçirilib. Tədbirdə 10 film göstərilmiş və bu 10 film ekspertlər tərəfindən qiymətləndirilmişdir.

3 iştirakçının filmi I, II, III yerlər üzrə qalib elan edilmişdir. I yeri İsmiyeva Nərmin “İki dünya”, II yeri Qasımov Arzu “Sehrli diyarın nağılı”, III yeri İlahə Mahmudova “Azərbaycanın inkişafı-gənclər” adlı  filmlərinə görə qazanıblar. Qeyd edək ki, Fuad Quliyevin “Qarabağa doğru”, Asif Qəhrəmanovun “Bakıda Polşa memarlarının izləri”, Məmməd Məmmədlinin “31 mart” filmləri də diqqətə layiq olmuş və ekspertlər tərəfindən rəğbətlə qarşılanmışdır.

Tədbirdə qonaqlar sırasında Azərbaycan Gənclər Fondunun Layihələr və regionlarla iş sektorunun müdiri Vaqif Seyidbəyov, eləcə də ekspertlərdən Musiqili Komediya Teatrının baş rejissoru Yusif Əkbər, Uşaq Teatrının direktoru, dram aktyoru İntiqam Sultan, kinoman, tənqidçi Aysel Əliyeva, bəstəkar, ssenarist Sərdar Fərəcov və digərləri iştirak etmişdir.

[postgallery_grid content=”image” columns=”4″ lightbox=”yes” attached_id=”12820″ id=”12820″ imageeffect=”reflection” imgheight=”154″ imgwidth=”240″ width=”980″ /]