[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/02/258px-Erasmus_logo.svg_.png” ]
Azərbaycan Respublikasının Prezidenti yanında Gənclər Fondu, Azərbaycan Respublikasının Gənclər və İdman Nazirliyi, Azərbaycan Tələbələr Birliyi və Gənclər üçün Təhsil Mərkəzinin birgə təşkilatçılığı ilə Bakıda Erasmus+ proqramının təqdimatı keçiriləcəkdir. Erasmus+ proqramının təqdimatı Avropa Komissiyasının Təhsil, Audiovizual və Mədəniyyət üzrə İcraçı Agentliyinin gənclər sahəsində eksperti Maksymilian Fras tərəfindən aparılacaqdır. Təqdimatda Avropa Komissiyasının 2014-2020-ci illəri əhatə edəcək Erasmus+ proqramının fəaliyyət istiqamətləri, mümkün layihə perspektivləri və Azərbaycan gənclər təşkilatlarının proqram çərçivəsində əldə edə biləcəyi imkanlar barədə ətraflı məlumat veriləcəkdir.
Həmçinin, tədbirdə Azərbaycan gənclər təşkilatları ilə əlaqələrin yaradılması və gələcəkdə müxtəlif birgə layihələrin icrasını müzakirə edə bilmək üçün təqdimatda İtaliya, Hollandiya, Litva, Ukrayna, Gürcüstan, Türkiyə kimi ölkələrdən ən aktiv gənclər təşkilatlarının rəhbərləri də qonaq qismində iştirak edəcəklər.
Təqdimat 10 fevral 2014-cü il tarixində, saat 11:00-da Park Inn mehmanxanasının “Dan ulduzu” zalında keçiriləcək. Xatırladaq ki, təqdimatda iştirak edən Azərbaycan gənclər təşkilatlarının nümayəndələri təqdimat zamanı onları maraqlandıran sualları da eskpertə ünvanlaya biləcəklər.
