[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/01/unnamed-138.jpg” ]
30 dekabr 2013-cü il tarixində Şəki şəhərində “Bakı Gənclər Klubu” İctimai Birliyi tərəfindən Azərbaycan Respublikasının Prezidendi yanında Gənclər Fondunun maliyyə dəstəyi ilə həyata keçirilən “Sağlam ailə cəmiyyətin və güclü dövlətin təməlidir” adlı layihənin açılış mərasimi baş tutmuşdur. Açılışda Şəki şəhəri Gənclər və İdman İdarəsinin rəisi Vüqar İskəndərov, Vəkillər Kollegiyasının üzvü hüquqşünas Fariz Namazlı, psixoloqlar Aynur Bünyatova, Sevinc Vəliyeva və layihəyə cəlb olunmuş bir qrup gənc iştirak etmişlər.
Layihənin açılış mərasimində əvvəlcə “Bakı Gənclər Klubu” İctimai Birliyinin sədri Azər Cavadov çıxış etmiş, açılış nitqində layihənin məqsədindən və əhəmiyyətindən, gənclərin gələcək ailə həyatında üzləşə biləcəyi problemlər haqqında danışmış və bu layihənin həyata keçirilməsində göstərdiyi dəstəyə və yaradılan şəraitə görə Azərbaycan Respublikasının Prezidendi yanında Gənclər Fonduna və Şəki şəhər İcra Hakimiyyətinə minnətdarlığını bildirmişdir.
Daha sonra çıxış üçün söz Şəki şəhər Gənclər və İdman İdarəsinin rəisi Vüqar İskəndərova verilmişdir. V.İskəndərov çıxışında bu cür layihənin həyata keçirilməsinin aktuallığından və Şəki rayon sakinlərinin bu günə kimi qoruyub-saxladığı və gənc nəsillərə ötürdüyü ailə dəyərlərindən danışmışdır.
Növbəti çıxışlarda təlimçilər Aynur Bünyatova, Sevinc Vəliyeva və Fariz Namazlı gələcək ailə həyatında yaranan psixoloji və hüquqi aspektlərə toxunmuş və layihə iştrakçılarına uğurlar arzulamışlar.
Qeyd edək ki, “Sağlam ailə cəmiyyətin və güclü dövlətin təməlidir” adlı layihəsinin həyata keçirilməsində əsas məqsəd gənclər arasında ailə institutunun gücləndirilməsində hüquqi və psixoloji maarifləndirmə işlərinin aparılması, erkən nigahın fəsadlarının açıqlanması, gənclərin ailə dəyərlərinə düzgün qiymət verməsi, təbliğ etməsi və gələcəkdə yarana biləcək mübahisələrin qarşısının alınması idi.
[postgallery_grid content=”image” columns=”4″ lightbox=”yes” attached_id=”12521″ id=”12521″ imageeffect=”reflection” imgheight=”154″ imgwidth=”240″ width=”980″ /]
