[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/01/IMG_3003.jpg” ]
“Üfüq Gənclərin İnkişafı Naminə” İctimai Birliyi Avropa Komissiyasının “Gənclər Fəaliyyətdə” (Youth in Action) proqramının maliyyə dəstəyi ilə 12-20 yanvar 2014-cü il tarixində Bakı şəhərində “Newcomers-new youth exchanges” adlı beynəlxalq təlim kursu təşkil edir. Təlim kursu “Young leaders for Europe” devizi altında keçirilir.
Tədbirin keçirilməsində əsas məqsəd beynəlxalq layihələrin işlənməsində gənclər sektoru işçilərinin, gənclər liderlərinin bilik və bacarıqlarını artırmaqdır. Xatırladaq ki, təlim kursunun müxtəlif ölkələrdən olan tərəfdaş təşkilatları Avropa Birliyi “Gənclər Fəaliyyətdə” proqramı çərçivəsində aktiv fəaliyyət göstərən təşkilatlardır. Təlim kursu ərzində bu təşkilatların nümayəndələri ilə Azərbaycanda həyata keçirilməsi mümkün olan müxtəlif layihə ideyaları da müzakirə ediləcəkdir.
Bu sahədə təcrübə və informasiya mübadiləsinə nail olmaq məqsədi ilə təlim kursuna Danimarka, Hollandiya, Latviya, Rusiya, Ukrayna, Türkiyə və Gürcüstanı təmsil edən rəsmi qonaqlar dəvət olunmuşdur.
Təlim kursunda iştirak edən qonaqlar 17 yanvar 2013-cü il tarixində Azərbaycan Gənclər Fondu ilə görüş keçirmişlər. Görüşdə Fondun Strateji planlaşdırma və beynəıxalq əlaqələr sektorunun əməkdaşı Nərminə Əliyeva Fond barədə məlumat vermiş, təqdimat keçirmiş və qonaqlarən suallarını cavablandırmışdır.
[postgallery_grid content=”image” columns=”4″ lightbox=”yes” attached_id=”12464″ id=”12464″ imageeffect=”reflection” imgheight=”154″ imgwidth=”240″ width=”980″ /]
