[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/12/unnamed3.jpg” ]
30 noyabr 2013-cü il tarixində “İsmayıllı gənclərinin sosial şəbəkələrdən səmərəli istifadəsinin təmin olunması” layihəsinin növbəti təlimi keçirilib. Təlimdə İsmayıllı şəhər İ.Həsənov adına 1saylı tam orta məktəbin direktoru Rasulov Şəfaqət ,Bakı İdrak məktəbinin təlimçisi Sona Həmzəyeva, şəhərin 9, 10 və 11-ci sinif şagirdləri iştirak ediblər. Təlim zamanı şagirdlərə sosial şəbəkələr haqqında geniş məlumat verən təlimçi Sona Həmzəyeva və layihə rəhbəri iştirakçıları maraqlandıran sualları da cavablandırmışlar. Eləcə də, istedadı və marağı olanların Gənclər Fondunun qrant layihələrində iştirak edə biləcəklərini də söyləyiblər. Daha sonra iştirakçılara Gənclər Fondu barədə məlumat xarakterli slaydlar nümayiş olunub. Təlim zamanı iştirakçılara buklet və broşurlar paylanılıb.
Təlimin sonunda müzakirələr zamanı fəal iştirak edən gənclərdən “İnnovativ Gənclər” birliyinə yeni üzvlər seçilib.
