[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/12/unnamed-7.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənclər Azad Sahibkarlıq Fəaliyyətində” İctimai Birliyi “Gənclərin sahibkarlıq bacarıqlarının inkişaf etdirilməsi məqsədilə Qış Biznes məktəbinin keçirilməsi” adlı layihəsini başa çatdırıb. Layihənin açılış mərasimi 1 dekabr 2013-cü il tarixində saat 10:00-da 2013- cü il Milli Yarışının Qalibi olan Qafqaz Universitetinin komandasının təqdimatı ilə başlamış və layihə meneceri Sərvər Cəfərovun gəncləri salamlaması ilə davam etmişdir. Daha sonra Enactus komandaları arasında göstərilən mövzularda daxili təlimlər keçirilmişdir. Təlimləri effektiv komanda yığımı mövzusu üzrə Enactus Proqramının məzunları “E&Y Azərbaycan” şirkətinin baş auditoru Nizami Yusifli “Komandanın qurulması” və “Enactus Layihələrində malliyənin idarə olunması” mövzusunda aparmışdır.
Təlimin ardından tələbələr nahar yeməyi fasiləsinə yollanmışlar. Fasilədən sonra təqdimat bacarıqlarının artırılması mövzusu üzrə nitq və bədən jestləri eksperti, Azərbaycan Diplomatik Akademiyasında ictimai natiqlik və akademik debat proqramının koordinatoru və müəllimi Abbas Abbasovun təlimi baş tutmuşdur.
Xatırladaq ki, təlimlər dekabr ayının 5-nə qədər davam edib.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”11728″ id=”11728″ imageeffect=”reflection” imgheight=”154″ imgwidth=”240″ width=”980″ /]
