[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/06/logo-gencler-fondu.jpg” ]

Gürcüstan Respublikasının Gənclərlə İş və İdman Nazirliyi yanında Uşaq və Gənclər Birliklərinin İnkişafı Fondunun dəvəti ilə 13-14 dekabr 2013-cü il tarixlərində Azərbaycan Respublikasının Prezidenti yanında Gənclər Fondunun Aparat rəhbəri Faiq Qürbətov və Strateji planlaşdırma və beynəlxalq əlaqələr sektorunun müdiri Orxan Ərəbov Tiflis şəhərində rəsmi səfərdə olublar. Səfər çərçivəsində Gürcüstan Respublikasının Gənclərlə İş və İdman Nazirliyi yanında Uşaq və Gənclər Birliklərinin İnkişafı Fondunun 2013-cü il üçün fəaliyyətinin yekun-hesabat mərasimində iştirak etməklə yanaşı, təcrübə mübadiləsi, gələcək əməkdaşlıq perspektivləri və birgə layihə imkanları məsələləri müzakirə edilib.