[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/project.jpg” ]
“Azərbaycan-Avropa Gənclərinin Əməkdaşlığı” ictimai birliyi Benelüks Azərbaycan Konqresinin Gənclər Təşkilatı ilə birgə Azərbaycan Respublikasının Prezidenti yanında Gənclər Fondunun maliyyə dəstəyi ilə “Azərbaycan və Avropa ölkələrinin gəncləri arasında əməkdaşlığın inkişafı” adı ilə növbəti beynəlxalq layihənin hazırlıq işlərini yekunlaşdırıb. Layihə 13-18 dekabr 2013-cü il tarixində Bakı və Quba şəhərlərində həyata keçiriləcəkdir.
Layihənin əsas məqsədi Avropada fəaliyyət göstərən gənclər təşkilatları ilə Azərbaycandan olan gənclər təşkilatları arasında əlaqələrin inkişaf etdirilməsi və yeni əməkdaşlıq istiqamətlərinin müzakirə edilməsidir. Layihədə İtaliya, Niderland, İspaniya, Polşa, Estoniya, Slovakiya, Gürcüstan və Türkiyədən olan ümumilikdə 15 nəfər gənc iştrak edəcək. Layihə çərçivəsində müvafiq müzakirələr, gənclər və tələbə təşkilatları ilə görüşlər nəzərdə tutulub. Həmçinin, Benelüks Azərbaycan Konqresinin Gənclər Təşkilatı ilə Avropada fəaliyyət göstərən gənclər təşkilatları ilə əməkdaşlığın perspektivləri müzakirə olunacaq.
Bununla yanaşı, layihə çərçivəsində xarici qonaqların Azərbaycanın tarixi və mədəni abidələri ilə tanışlığı nəzərdə tutulub. Bir günlük Quba şəhərinə səfər çərçivəsində xaricilər Quba soyqırım məzarlığı ilə tanış olacaq, həmçinin regionun tarixi və mədəni abidələrinə ekskursiya təşkil olunacaqdır.
