[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/Chagirish_Cup_2013_logo.jpg” ]

Azərbaycanın 16 regionundan 75 komanda VI Çağırış Kuboku finalında yarışacaq. Azərbaycan Respublikasının Prezidenti yanında Gənclər Fondunun maliyyə dəstəyi ilə Azərbaycan İntellektual Oyunlar Federasiyası, Azərbaycan Müəllimlər İnstitutu, “İrəli” İctimai Birliyi, “Xəzər” İntellektual Gənclər Klubu və MFX Group-un birgə təşkilatçılığı ilə keçirilən “Nə? Harada? Nə zaman?” oyunu üzrə VI Çağırış Kuboku 1 dekabr 2013-cü il tarixində Kempinski Hotel Badamdarda baş tutacaq.

Kubokun finalında Bakı, Gəncə, Sumqayıt, Naxçıvan, Şəki, Zaqatala, Mingəçevir, Qazax, Ağcabədi, Beyləqan, Biləsuvar, Lənkəran, Salyan, Cəlilabad, Şamaxı və Qubadan olan 75 komanda yarışacaq.

Qeyd edək ki, seçim turları 16-25 noyabr tarixlərində respublikanın müxtəlif bölgələrində müəyyən olunmuş məntəqələrdə sinxron olaraq keçirilib. Seçim turları nəticəsində Bakıdan 45, regionlardan isə 30 komanda finala vəsiqə qazanıb.