[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/SAM_2999.jpg” ]
Azərbaycan Respublikasının Prezidenti Yanında Gənclər Fondunun maliyyə dəstəyi ilə “Azərbaycanda tarix və mədəniyyət abidələrinin mühafizəsi və təbliği: mövcud vəziyyətin monitorinqi və qarşıda duran vəzifələr” adlı layihə həyata keçirilir. Layihənin məqsədi mədəni irsimizə ictimai münasibəti araşdırmaq, mədəni irsimizin mühafizəsi və təbliği sahəsində görülən işləri stimullaşdırmaqdan ibarətdir. Layihədən əsasən gənclər və tələbələr faydalanır.
Layihənin icrası zamanı Bakı ətrafı ərazilərdə mədəni irsimizə ictimai münasibətin araşdırılması məqsədi ilə səfərlər təşkil edilməkdədir.
Gənclərin iştirakı ilə növbəti səfər YUNESKO-nun Ümumdünya İrs Siyahısına daxil edilmiş Qobustan Milli Tarix-Bədii Qoruğuna və Muzeyinə olub. Səfər zamanı gənclərə Qobustan Milli Tarix-Bədii Qoruğunun açıq səma altında muzey kimi fəaliyyət göstərməsi, eləcə də Qobustan qayaüstü rəsmləri haqda zəngin məlumatlar verilmişdir.
Layihə çərçivəsində analoji tədbirlər davam edəcəkdir. Layihənin sonunda aparılan işlərin effektivliyini müəyyən etmək üçün qiymətləndirmə aparılacaq və iştirakçıların layihənin əhəmiyyəti ilə bağlı fikirləri öyrəniləcəkdir.
