[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/1336644641_dsc06838-2.jpg” ]
Azərbaycan Respublikasının Prezidenti yanında Gənclər Fondunun dəstəyi ilə “Yurd” Gənclərin İntellektual İnkişafına Dəstək İctimai Birliyi tərəfindən reallaşdırılan “Qubada intellekt liqasının yaradılması” layihəsi çərçivəsində təsis edilən “İntellektual çoxnövçülük üzrə Quba liqası” yarışlarının növbəti zona seçim turu keçirilib.
Quba şəhərində baş tutan seçim turunda gənclərdən ibarət intellektual klubların 8 komandası mübarizə aparıb.
Əsasnaməyə uyğun olaraq üç intellektual növdə baş tutan liqa turnirində 8 komanda öncə “Nə? Harada? Nə zaman?” yarışı üzrə mübarizə aparıb. “Zirvə”, “Kritik gənclər”, “VİP” komandaları oyun xalına görə, “Ana Vətən” isə “Favorit”lə eyni xala sahib olduğuna görə reytinq xalına əsasən ikinci mərhələyə vəsiqə əldə edib.
İkinci mərhələdə komandalar “Xəmsə” oyununda qüvvələrini sınayıblar. 3-cü mərhələyə ən yüksək nəticə göstərən “Zirvə” və “Kritik gənclər” komandaları vəsiqə əldə edib.
Breyn-rinq üzrə keçirilən 3-cü mərhələnin qalibi adını isə rəqiblərini 2-1 hesabı ilə məğlub edən “Kritik gənclər” qazanıb və onlar final mərhələsində oynamaq hüququ əldə ediblər.
Qeyd edək ki, layihə çərçivəsində artıq seçim turları yekunlaşıb və noyabr ayının 20-də Quba şəhərində beynəlxalq lisenziyalı final turniri baş tutub.
